Exclusive: बदलापूर लैंगिक अत्याचार प्रकरण, प्रचंड हादरवणारा रिपोर्ट मुंबई Tak च्या हाती
Badlapur Case: बदलापूर लैंगिक अत्याचार प्रकरणात सरकारने जी दोन सदस्यीय समिती गठीत केली होती त्या समितीचा अत्यंत धक्कादायक असा रिपोर्ट आता समोर आला आहे.
ADVERTISEMENT
बातम्या हायलाइट
बदलापूर लैंगिक अत्याचार प्रकरणात सरकारची दोन सदस्यीय समिती
समितीचा अत्यंत धक्कादायक रिपोर्ट आला समोर
चिमुकल्या मुलींवर 15 दिवसात अनेकदा लैंगिक अत्याचार, रिपोर्टमध्ये हादरवून टाकणारी माहिती
Badlapur Case Exclusive Report: बदलापूर: बदलापूर प्रकरणात आता एक असा अहवाल समोर आलाय. जे पाहून तुमच्याच्याही तळपायाची आग मस्तकात गेल्याशिवाय राहणार नाही. या एक्स्क्लुझिव्ह रिपोर्टबाबत आम्ही तुम्हाला सांगणार आहोत. या प्रकरणात रोज डोक्यात तिडीक जाणाऱ्या गोष्टी समोर येत आहेत. (badlapur case exclusive in 15 days both girls were sexually assaulted many times a very shocking report)
12 ते 15 ऑगस्टदरम्यान या दोन चिमुकल्यांवर अत्याचाराच्या घटना घडल्या. यातील एका मुलीने शारीरिक त्रास होत असल्याचं आपल्या आजोबांना सांगितलं. असाच त्रास मैत्रिणीसोबतही होतोय असंही या मुलीने सांगितलं. त्यानंतर या मुलीच्या पालकांनी दुसऱ्या मुलीच्या पालकांना संपर्क केला. तर दुसरी मुलगीही शाळेत जाण्यास तयार नसल्याचं त्यांना समजलं. दोन्ही मुलींची वैद्यकीय तपासणी केल्यावर लैंगिक अत्याचार झाल्याचं उघड झालं.
यानंतर आंदोलनं झाली, आरोप-प्रत्यारोपाच्या फैरी झडल्या. सरकारनं एसआयटीची स्थापन केली. शिवाय सरकारनं एक दोन सदस्यीय समितीही गठीत केली होती. याच समितीनं एक रिपोर्ट तयार केला आहे. जो मुंबई Tak च्या हाती लागला आहे.
'तो' धक्कादायक अहवाल आला समोर...
बदलापूर अल्पवयीन मुलींच्या लैंगिक अत्याचारप्रकरणी राज्याने नियुक्त केलेल्या दोन सदस्यीय समितीने राज्य सरकारला प्राथमिक चौकशी अहवाल सादर केला आहे.
हे वाचलं का?
