'सावळी आहेस, डॉक्टर कशी बनणार?..', सततच्या छळामुळे नैराश्यात, विद्यार्थीनीची आत्महत्या, कुटुंबियांचे गंभीर आरोप
Crime News : पोलिसांकडून मिळालेल्या माहितीनुसार, यशस्विनी ही बंगळुरू ग्रामीण जिल्ह्यातील अनेककल भागात असलेल्या एका खासगी डेंटल कॉलेजमध्ये ओरल मेडिसिन आणि रेडियोलॉजी विभागाची तिसऱ्या वर्षाची विद्यार्थिनी होती. शुक्रवारी ती आपल्या घरी मृत अवस्थेत आढळून आली. घटनेची माहिती समजताच पोलीस घटनास्थळी दाखल झाले आणि प्राथमिक पंचनामा करण्यात आला.
ADVERTISEMENT
बातम्या हायलाइट
'सावळी आहेस, डॉक्टर कशी बनणार?..', सततच्या छळामुळे नैराश्यात
विद्यार्थीनीची आत्महत्या, कुटुंबियांचे गंभीर आरोप
Crime News, बेंगळुरू : कर्नाटकची राजधानी बेंगळुरू येथील अनेककल परिसरातील एका खासगी डेंटल कॉलेजमध्ये शिकणाऱ्या विद्यार्थिनीचा संशयास्पद मृत्यू झाल्याने एकच खळबळ उडाली आहे. 23 वर्षीय यशस्विनी हिने आत्महत्या करत आयुष्य संपवल्याची माहिती पोलीस तपासात समोर आलीये. या घटनेनंतर कॉलेज परिसरात तसेच विद्यार्थ्यांमध्ये तीव्र संतापाची भावना असून, निष्पक्ष चौकशीची मागणी होत आहे.
पोलिसांकडून मिळालेल्या माहितीनुसार, यशस्विनी ही बंगळुरू ग्रामीण जिल्ह्यातील अनेककल भागात असलेल्या एका खासगी डेंटल कॉलेजमध्ये ओरल मेडिसिन आणि रेडियोलॉजी विभागाची तिसऱ्या वर्षाची विद्यार्थिनी होती. शुक्रवारी ती आपल्या घरी मृत अवस्थेत आढळून आली. घटनेची माहिती समजताच पोलीस घटनास्थळी दाखल झाले आणि प्राथमिक पंचनामा करण्यात आला.
यशस्विनीच्या मृत्यूची बातमी कॉलेज परिसरात पसरताच अनेक विद्यार्थी एकत्र जमले आणि कॉलेज व्यवस्थापनाला जाब विचारला. संस्थात्मक दबावामुळेच ही घटना घडली असावी, असा संशय काही विद्यार्थ्यांनी व्यक्त केला. यामुळे काही काळ परिसरात तणावाचं वातावरण निर्माण झालं होतं. मात्र परिस्थिती नियंत्रणात आणण्यासाठी पोलिसांनी तत्काळ हस्तक्षेप केला.
दरम्यान, पोलिसांनी दिलेल्या प्राथमिक माहितीनुसार यशस्विनीच्या आईकडून कॉलेज प्रशासनाविरोधात कोणतीही अधिकृत तक्रार दाखल करण्यात आलेली नाही. या आधारावर पोलिसांनी ‘अकस्मात मृत्यू अहवाल’ (UDR) नोंदवला असून, मृत्यूमागची नेमकी कारणं शोधण्यासाठी तपास सुरू आहे, असं अधिकाऱ्यांनी सांगितलं.
हे वाचलं का?
