जालना : बस थांबवली, मुलीला खाली उतरवलं, पुढे चालकाला मारहाण.. तरुणाने पुढे काय केलं?
jalna private bus driver assaulted : जालना जिल्ह्यात एका तरुणाने भररस्त्यात खाजगी बस थांबवून चालकाला बेदम मारहाण केल्याची घटना घडली. संपूर्ण प्रकार बसच्या सीसीटीव्ही आणि चालकाच्या मोबाईलमध्ये कैद झाला असून पोलिसांनी गुन्हा दाखल केला आहे.
ADVERTISEMENT
बातम्या हायलाइट
जालना : बस थांबवली, मुलीला खाली उतरवलं
पुढे चालकाला मारहाण.. तरुणाने पुढे काय केलं?
Jalna Crime News : जालना जिल्ह्यात एका खाजगी बस चालकाला मारहाण केल्याची धक्कादायक घटना समोर आली आहे. भररस्त्यात एका तरुणाने बस थांबवून त्यामधील एका ओळखीच्या युवतीला खाली उतरवले. हा प्रकार पाहून बस चालकाने त्या तरुणाला याबाबत कारण विचारला. मात्र, जाब विचारल्याचा राग मनात धरून संबंधित तरुणाने चालकाला शिवीगाळ करण्यास सुरुवात केली. त्यानंतर त्याने चालकाला बुक्यांनी बेदम मारहाण केली. हा संपूर्ण प्रकार बसमध्ये बसलेल्या प्रवाशांसमोर घडला. विशेष म्हणजे ही घटना बसमधील सीसीटीव्ही कॅमेऱ्यात तसेच चालकाच्या मोबाईल कॅमेऱ्यात कैद झाली असून त्याचा व्हिडिओ सध्या सोशल मीडियावर मोठ्या प्रमाणात व्हायरल होत आहे.
हेही वाचा : ठाकरे गटाचे माजी खासदार विनायक राऊत अडचणीत, सुनेचे गंभीर आरोप, गुन्हा दाखल
बसमध्ये चढला अन् ओळखीच्या एका युवतीला खाली उतरवले...
मिळालेल्या माहितीनुसार, संबंधित बस जालनाहून शेंद्रा एमआयडीसी येथील एका कंपनीतील कर्मचाऱ्यांना घेऊन जात होती. बस बदनापूर येथील एका पेट्रोल पंपाजवळ पोहोचली असताना एका तरुणाने हात दाखवून बस थांबवली. बस थांबताच तो थेट बसमध्ये चढला आणि त्याच्या ओळखीच्या एका युवतीला खाली उतरवले. हा प्रकार पाहून चालकाने त्या तरुणाला याबाबत विचारणा केली. मात्र, साधा प्रश्न विचारल्याने तो संतापला आणि त्याने चालकाला शिवीगाळ करत मारहाण करण्यास सुरुवात केली. काही क्षणांतच बसमध्ये गोंधळाचे वातावरण निर्माण झाले.
हेही वाचा : Maharashtra Weather : राज्यात 'या' जिल्ह्यांत पावसाची हजेरी लागणार, हवामान विभागाची अपडेट
