रिक्षात छेडछाड अन् अश्लील चाळे..., महिलांनी नराधमाला भर रस्त्यात दिला चोप
nalasopara crime news : नालासोपाऱ्यात रिक्षामध्ये महिलेशी छेडछाड करणाऱ्या व्यक्तीला संतप्त महिलांनी भररस्त्यात चोप दिला. त्यानंतर आरोपीला पुढील कारवाईसाठी तुळिंज पोलिसांच्या ताब्यात देण्यात आले.
ADVERTISEMENT
बातम्या हायलाइट
रिक्षात छेडछाड अन् अश्लील चाळे...,
महिलांनी नराधमाला भर रस्त्यात दिला चोप
nalasopara crime news : नालासोपाऱ्यात रिक्षामध्ये महिलेशी छेडछाड आणि अश्लील कृत्य करणाऱ्या एका व्यक्तीला संतप्त महिलांनी भररस्त्यात चांगलाच धडा शिकवला. रिक्षातून खाली उतरवून महिलांनी संबंधित व्यक्तीला मारहाण केल्याची घटना नालासोपारा पूर्व येथील मोरेगाव परिसरातील Q & Q हॉटेलसमोर घडली. या घटनेमुळे परिसरात काही काळ मोठी गर्दी झाली होती. रस्त्यावर घडलेल्या या प्रकाराची माहिती मिळताच परिसरातील नागरिकही घटनास्थळी जमा झाले.
हेही वाचा : 'मी पक्ष सोडलेला नाही...', सचिन अहिरांचा मोठा दावा.. बाजूलाच बसलेले शिंदे तात्काळ म्हणाले, अरे...!
संबंधित व्यक्तीला रिक्षातून खाली उतरवून दिला चोप
मिळालेल्या माहितीनुसार, संबंधित व्यक्ती रिक्षामध्ये महिलांसोबत प्रवास करत असताना त्याने महिलेशी छेडछाड केली आणि अश्लील वर्तन करण्यास सुरुवात केली. या प्रकारामुळे महिलांचा संताप अनावर झाला. त्यांनी तात्काळ संबंधित व्यक्तीला रिक्षातून खाली उतरवले आणि भररस्त्यात त्याला चोप दिला. महिलांनी केलेल्या या प्रतिकारामुळे परिसरात काही काळ गोंधळाचे वातावरण निर्माण झाले.
घटनेची माहिती मिळताच परिसरातील नागरिकांनीही घटनास्थळी धाव घेतली. उपस्थितांनी आरोपीला चांगलाच धडा शिकवला. या घटनेदरम्यान मोठ्या संख्येने नागरिकांची गर्दी जमली होती. महिलांनी छेडछाड करणाऱ्या व्यक्तीविरोधात तीव्र संताप व्यक्त केला. परिसरात घडलेल्या या प्रकाराची माहिती पोलिसांनाही देण्यात आली.
