वर्षभरापूर्वी लव्ह मॅरेज, जुळी मुलं गर्भात वाढत असताना पत्नीची हत्या, अनैतिक संबंधांचा संशय
crime news : पंजाबमध्ये पत्नीच्या चारित्र्यावर संशयातून आठ महिन्यांच्या गर्भवती महिलेची हत्या करण्यात आल्याची धक्कादायक घटना घडली. या हल्ल्यात तिच्या गर्भातील जुळ्या बाळांचाही मृत्यू झाला असून, आरोपी पती फरार आहे.
ADVERTISEMENT
बातम्या हायलाइट
वर्षभरापूर्वी लव्ह मॅरेज
जुळी मुलं गर्भात वाढत असताना पत्नीची हत्या
अनैतिक संबंधांचा संशय
crime news : पत्नीच्या कथित अनैतिक संबंधांच्या संशयातून एका तरुणाने आपल्या आठ महिन्यांच्या गर्भवती पत्नीची धारदार शस्त्राने हत्या केल्याचा आरोप आहे. या घटनेत महिलेसह तिच्या गर्भात वाढणाऱ्या जुळ्या बाळांचाही मृत्यू झाला असून, एकाच वेळी तीन जणांचा दुर्दैवी अंत झाला आहे. या प्रकरणानंतर परिसरात खळबळ उडाली असून, पोलिसांनी आरोपी पतीविरोधात खुनाचा गुन्हा दाखल करून तपास सुरू केला आहे. घटनेनंतर आरोपी घटनास्थळावरून फरार झाला असून, त्याचा शोध घेण्यासाठी पोलिसांकडून विविध ठिकाणी छापेमारी सुरू आहे. पोलिसांनी मृतदेह ताब्यात घेऊन पुढील तपास सुरू केला असून, तपास पूर्ण झाल्यानंतरच घटनेमागील नेमके कारण आणि इतर बाबींबाबत अधिकृत माहिती दिली जाईल, असे पोलिसांनी स्पष्ट केले आहे.
हेही वाचा : "1 किलो पनीरसाठी 5-6 लीटर दूध लागतं; मग 200 रुपयांमध्ये पनीर कसं मिळतं?"
जन्माआधीच दोन निष्पाप जीवांचाही मृत्यू
मृत महिलेची ओळख 22 वर्षीय सिमरजीत कौर अशी झाली आहे. तिच्या कुटुंबीयांनी दिलेल्या माहितीनुसार, सिमरजीतने सुमारे वर्षभरापूर्वी बुर्ज राठी गावातील सचप्रीत सिंह याच्यासोबत प्रेमविवाह केला होता. त्यानंतर दोन्ही कुटुंबांच्या संमतीने त्यांचा विवाह विधिवत पार पडला होता. सिमरजीत आठ महिन्यांची गर्भवती होती आणि प्रसूतीसाठी ती आपल्या माहेरी आली होती. कुटुंबीयांच्या म्हणण्यानुसार, तिच्या गर्भात जुळी बाळे वाढत होती. त्यामुळे या घटनेमुळे एका महिलेसह जन्माआधीच दोन निष्पाप जीवांचाही मृत्यू झाल्याने कुटुंबावर मोठा आघात झाला आहे. ही घटना पंजाबमधील मानसा जिल्ह्यातील ठूठियांवाली गावात अत्यंत धक्कादायक घटना घडली आहे.
हेही वाचा : दुधातील भेसळ कशी ओळखाल? काय पाहायचं? तुकाराम मुंढेंचा महत्त्वाचा सल्ला
