मैत्रिणीनेच केला विश्वासघात; साडी मागण्याच्या बहाण्याने घरात आली अन्...

फिर्यादी वनदेव भास्कर सुळे (वय 31, रा. जवाहर कॉलनी, बीड) हे पेशाने वकील आहेत. त्यांची पत्नी सपना यांची मैत्रीण दिया नानासाहेब मते (रा. गंगावाडी, ता. गेवराई) ही 17 एप्रिल रोजी दुपारी लग्नासाठी साडी मागण्याच्या बहाण्याने सुळे यांच्या घरी आली होती. त्यानंतर तिने वारंवार सुळे यांच्या घरी येणे-जाणे सुरू ठेवले. या दरम्यान सपना घरात कामात व्यस्त असल्याचे पाहून दियाने कपाटात ठेवलेले सोन्या-चांदीचे दागिने आणि पर्समधील रोकड चोरून नेली. 15 मे रोजी घरातील दागिने बेपत्ता असल्याचे सपना यांच्या निदर्शनास आले. 

आरोपी दियाने नेमकी काय दिली पोलिसांसमोर कबुली?

या चोरीबाबत सुळे यांनी पोलिसांत तक्रार अर्ज दिला होता. महिला पोलीस अंमलदार राठोड यांनी संशयित दिया मते हिला चौकशीसाठी बोलावले असता, तिने उपस्थित पोलीस अधिकारी व फिर्यादी यांच्यासमोर चोरी केल्याची कबुली दिली.

हे ही वाचा>> दुधातील भेसळ कशी ओळखाल? काय पाहायचं? तुकाराम मुंढेंचा महत्त्वाचा सल्ला

चोरलेले दागिने शहरातील डी. के. ज्वेलर्स आणि दिपाली ज्वेलर्स येथे मोडल्याचे तिने सांगितले. दियाने 5 जुलैपर्यंत दागिने परत आणून देण्याचे कबूल केले होते, मात्र, तिने दागिने न दिल्याने अखेर हा गुन्हा नोंदवण्यात आला.