ixigo कडून मुंबई मेट्रो प्रवाशांसाठी खास ऑफर; दरमहा मिळणार दोन मोफत मेट्रो तिकिटे

13 जुलैपासून सुरू झालेली ही मर्यादित कालावधीची ऑफर ixigo Trains अॅपच्या विद्यमान तसेच नव्या वापरकर्त्यांसाठी उपलब्ध आहे. या ऑफरअंतर्गत वापरकर्ते दर महिन्याला मुंबई मेट्रोची दोन तिकिटे (प्रत्येकी कमाल ₹70 मूल्यापर्यंत) मोफत मिळवू शकतात. यामुळे रोजच्या प्रवासाचा खर्च कमी होण्यासोबतच प्रवास अधिक सुलभ, किफायतशीर आणि लाभदायक ठरणार आहे.

मुंबईत सध्या पावसाळ्याचा जोर वाढत असताना, वाहतूक कोंडी आणि हवामानामुळे निर्माण होणाऱ्या अडचणी टाळण्यासाठी मुंबई मेट्रो हा प्रवाशांचा सर्वाधिक विश्वासार्ह आणि पसंतीचा पर्याय बनला आहे. या पार्श्वभूमीवर ixigo ने ही मोहीम सुरू करत, डिजिटल तिकीट बुकिंगच्या सुविधेसह दैनंदिन प्रवास अधिक फायद्याचा करण्याचा प्रयत्न केला आहे.

ही ऑफर ixigo च्या एकात्मिक प्रवास अनुभव (End-to-End Travel Experience) निर्माण करण्याच्या व्यापक धोरणाचा एक भाग आहे. रेल्वे तिकीट बुकिंगसोबतच मेट्रो तिकीट सेवा उपलब्ध करून देत कंपनी देशभरातील लाखो प्रवाशांना एका प्लॅटफॉर्मवर अधिक सुविधा आणि मूल्य प्रदान करत आहे.