विवाहाची तयारी, पण...

तपास अधिकाऱ्यांनी दिलेल्या माहितीनुसार, भवानी आणि चंद्रशेखर यांचे गेल्या अनेक वर्षांपासून प्रेमसंबंध होते आणि त्यांनी कुटुंबाला कोणतीही कल्पना न देता वर्षभरापूर्वी लग्न केले होते. मात्र, चंद्रशेखर हा आधीच विवाहित असून त्याला पहिल्या लग्नापासून सहा वर्षांचे मूल असल्याचे तपासात समोर आले आहे. दोघेही गेल्या वर्षभरापासून पती-पत्नी म्हणून त्या घरात राहत होते आणि शेजाऱ्यांना त्यांच्यात कधीही मोठा वाद झाल्याचे जाणवले नव्हते. भवानीच्या कुटुंबीयांनी नुकतीच तिच्या विवाहाची तयारी सुरू केली होती आणि पुढील आठवड्यात तिचा साखरपुडा होणार होता. भवानीने ही माहिती चंद्रशेखरला दिली असावी आणि त्यावरून त्यांच्यात वाद झाला असावा, असा पोलिसांचा प्राथमिक अंदाज आहे.

हे ही वाचा : पैसा-पाणी: IT आणि MBA च्या नोकऱ्यांचे दिवस संपले आहेत का?

इन्स्टाग्रावर फोटो बघितला अन्..

हा संपूर्ण प्रकार 13 जून रोजी उघडकीस आला, जेव्हा भवानीच्या कुटुंबीयांनी तिच्या इंस्टाग्राम स्टोरीवर चंद्रशेखरसोबतचा एक फोटो पाहिला. हा फोटो त्यांच्या लग्नाचा पहिला वाढदिवस साजरा करण्यासाठी चंद्रशेखरनेच अपलोड केला होता, ज्यामुळे भवानीच्या नातेवाईकांमध्ये चिंतेचे वातावरण निर्माण झाले. कुटुंबीयांनी भवानीशी संपर्क साधण्याचा वारंवार प्रयत्न केला, मात्र तिने फोन न उचलल्यामुळे तिच्या वडिलांनी घरमालकाशी संपर्क साधला. घरमालक आणि शेजाऱ्यांनी घर कुलूपबंद असल्याचे पाहून दरवाजा तोडून आत प्रवेश केला, तेव्हा भवानी मृत अवस्थेत आढळली आणि चंद्रशेखर बेशुद्ध पडलेला होता. त्याला तातडीने रुग्णालयात दाखल करण्यात आले होते.

हे ही वाचा : नवरा कामावर गेला, घरात बायको आणि प्रियकर एकत्रच अन्..

गळा आवळून खून

प्राथमिक तपासानुसार, पोलिसांनी असा संशय व्यक्त केला आहे की, चंद्रशेखरने भवानीला सोबत विष पिऊन आत्महत्या करण्यासाठी तयार केले असावे. परंतु, भवानीने विष प्राशन केल्यानंतर तिला उलट्या झाल्या आणि विष शरीराबाहेर पडले, ज्यामुळे चंद्रशेखरने तिचा गळा आवळून खून केला आणि त्यानंतर स्वतः जास्त प्रमाणात विष प्राशन केले. भवानीच्या वडिलांच्या तक्रारीवरून पोलिसांनी खुनाचा गुन्हा दाखल केला असून पुढील तपास सुरू आहे. हा प्रकार आत्महत्येचा करार पूर्ण न झाल्यामुळे घडलेली हत्या आहे की पूर्वनियोजित खून, याचा अचूक शोध घेण्यासाठी पोलीस आता फॉरेन्सिक आणि वैद्यकीय अहवालाची प्रतीक्षा करत आहेत.