अल्पवयीन मुलीला दोनदा लग्नासाठी विकलं, पोलिसांना 2 वर्षानंतर कशी सापडली मुलगी?
पश्चिम बंगालच्या वर्धमान शहरातून दोन वर्षांपासून बेपत्ता असलेली अल्पवयीन मुलीचा शोध घेतल्याचं वृत्त समोर आलं आहे. पीडित मुलगी ही राजस्थानच्या पालीमध्ये पोलिसांना सापडली.
ADVERTISEMENT
बातम्या हायलाइट
अल्पवयीन मुलीचं अपहरण अन् दोन वेळा लग्नासाठी विकलं...
दोन वर्षांपासून बेपत्ता असलेल्या पीडितेचा अखेर शोध लागला
Crime news: अल्पवयीन मुलींचं लैंगिक शोषण आणि त्यांच्यावरील अत्याचाराचं आणखी एक धक्कादायक प्रकरण समोर आलं आहे. पश्चिम बंगालच्या वर्धमान शहरातून दोन वर्षांपासून बेपत्ता असलेली अल्पवयीन मुलीचा शोध घेतल्याचं वृत्त समोर आलं आहे. पीडित मुलगी ही राजस्थानच्या पालीमध्ये पोलिसांना सापडली. याप्रकरणी सीबीआयने (CBI) ने एक महिलेसह पाच लोकांना अटक केली आहे. संबंधित मुलीला लग्नासाठी दोन वेळा विकण्यात आल्याची देखील माहिती समोर आली आहे.
दोन वेळा लग्नासाठी विकलं...
शनिवारी सीबीआयच्या वरिष्ठ अधिकाऱ्यांनी या प्रकरणाची माहिती दिली आणि भरत कुमार, जगदीश कुमार, मीना दपुबेन, रता राम आणि दिलीप कुमार अशी अटक केलेल्या आरोपींची ओळख असल्याचं पोलिसांनी सांगितलं. आरोपींनी पीडितेला दोन वेळा लग्नासाठी विकलं असल्याचं सांगण्यात येत आहे. कोलकाता हायकोर्टाच्या आदेशानंतर सीबीआयने 16 फेब्रुवारी 2024 रोजी या प्रकरणासंबंधी गुन्हा दाखल केला होता.
ट्यूशन क्लासला गेल्यानंतर बेपत्ता
पीडित मुलगी 9 ऑगस्ट 2023 रोजी ट्यूशन क्लासला गेल्यानंतर तिथूनच बेपत्ता झाली. त्यानंतर ती घरी आलीच नाही. पीडितेचा तपास करताना गुन्हेगारी हेतूने मुलीचं अपहरण करण्यात आल्याचा अधिकाऱ्यांना संशय आला. सुरुवातीला स्थानिक पोलीस प्रशसानाने या घटनेचा तपास केला आणि त्यानंतर पश्चिम बंगाल सीआयडीने हे प्रकरण हाती घेतलं.
पीडितेच्या आईने कोलकाता हायकोर्टात याचिका दाखल केल्यानंतर हे प्रकरण कोलकातामधील सीबीआयच्या विशेष गुन्हे शाखा (SCB) कडे सोपवण्यात आलं.
हे वाचलं का?
