वाशीम : साहेब बायकोची बॉडी गाडीत आहे, 3 चिमुकल्यांना घेऊन नवरा पोलीस ठाण्यात; अन्...
washim crime news : वाशिममध्ये पत्नीची हत्या केल्यानंतर आरोपी पती तीन लहान मुलांसह थेट पोलीस ठाण्यात पोहोचला. "माझ्या गाडीत पत्नीचा मृतदेह आहे," असे सांगत त्याने गुन्ह्याची कबुली दिली.
ADVERTISEMENT
बातम्या हायलाइट
वाशीम : साहेब बायकोची बॉडी गाडीत आहे
3 चिमुकल्यांना घेऊन नवरा पोलीस ठाण्यात; अन्...
washim crime news, जका खान : महाराष्ट्रातील वाशिम जिल्ह्यात सोमवारी सकाळी अत्यंत धक्कादायक घटना समोर आली. वाशिम ग्रामीण पोलीस ठाण्यात सकाळच्या सुमारास एक कार येऊन थांबली. त्यातून उतरलेल्या एका व्यक्तीने थेट पोलीस ठाण्यात जाऊन, "साहेब, माझ्या गाडीत माझ्या पत्नीचा मृतदेह आहे, मीच तिची हत्या केली आहे," अशी कबुली दिली. हे ऐकताच पोलीस ठाण्यातील अधिकारी आणि कर्मचारी क्षणभर स्तब्ध झाले. या घटनेमुळे पोलीस यंत्रणेत एकच खळबळ उडाली. आरोपीने स्वतःहून पोलीस ठाण्यात येऊन गुन्ह्याची माहिती दिल्यानंतर पोलिसांनी तातडीने पुढील हालचाली सुरू केल्या.
हेही वाचा : बायकोनं गरीब नवऱ्याच्या डोक्यात मोबाईल घातला, कोच पडून भळाभळा रक्त, अखेर दुर्दैवी अंत
लोखंडी रॉडने पत्नीच्या डोक्यावर जोरदार वार
मिळालेल्या माहितीनुसार, उत्तर प्रदेशातील गौतमबुद्ध नगर जिल्ह्यातील कलौदा येथील रहिवासी सलमान खान हा स्वतःला व्यवसायाने बिल्डिंग ठेकेदार असल्याचे सांगतो. तो पत्नी हसीना बानो आणि तीन लहान मुलांसह महाराष्ट्रातील नाशिककडे निघाला होता. वर्धा शहरातून समृद्धी महामार्गावर आल्यानंतर प्रवासादरम्यान पती-पत्नीमध्ये संशयाच्या कारणावरून वाद झाला. हा वाद वाढत गेल्यानंतर आरोपीने समृद्धी महामार्गावर कार थांबवली. त्यानंतर त्याने लोखंडी रॉडने पत्नीच्या डोक्यावर जोरदार वार केला. या हल्ल्यात पत्नी गंभीर जखमी होऊन रक्तबंबाळ झाली. मात्र, एवढ्यावरही आरोपी थांबला नाही. त्याने पत्नीच्या ओढणीने तिचा गळा आवळून तिची हत्या केल्याचे सांगितले जात आहे.
हेही वाचा : 'कायदा सर्वांना समान', चुकीच्या जाहिराती करणाऱ्या सेलिब्रिटींना तुकाराम मुंढेंचा इशारा
