Maharashtra Lok Sabha : दिग्गजांना लोळवलं, महाराष्ट्रात 'हे' उमेदवार ठरले 'जायंट किलर'!
Maharashtra Lok Sabha Result : महाराष्ट्र लोकसभेचा निकाल पाहता काही दिग्गजांची हार झाली आहे. तर काही मात्तबरांनी लौकिकाला साजेश यश मिळवले आहे.तर काही नवख्या चेहऱ्यांनी दिग्गजांना अस्मान दाखवलं आहे. त्यामुळे महाराष्ट्रात जायंट किलर ठरलेले ते उमेदवार कोण आहेत?
ADVERTISEMENT
Maharashtra Lok sabha Election result 2024 : महाराष्ट्रातील लोकसभा निवडणुकीत अनेक धक्कादायक निकालांची नोंद झाली आहे. एकूण निकाल पाहता काही दिग्गजांची हार झाली आहे. तर काही मात्तबरांनी लौकिकाला साजेश यश मिळवले आहे.तर काही नवख्या चेहऱ्यांनी दिग्गजांना अस्मान दाखवलं आहे. त्यामुळे महाराष्ट्रात जायंट किलर ठरलेले ते उमेदवार कोण आहेत? हे जाणून घेऊयात. (maharashtra lok sabha election result 2024 gaints lok sabha election result maharashtra result 2024)
बीडमध्ये पकजांना धक्का
बीड लोकसभा मतदार संघात शरद पवारांच्या राष्ट्रवादीचे उमेदवार बजरंग सोनवणे यांनी भाजपचे राष्ट्रीय सचिव पंकजा मुंडे यांचा पराभव केला आहे. सोनवणे यांना 6 लाख 83 हजार 950 मते पडली होती.तर पंकजा मुंडेंना 6 लाख 77 हजार 397 मते पडली होती. त्यामुळे 6 हजार 553 मतांनी सोनवणे जिंकले होते. पंकजा मुंडे यांच्या प्रचारासाठी दिग्गज नेत्यांची आणि आमदारांची फौज होती, मात्र तरी देखील त्यांचा पराभव झाला आहे. त्यामुळे बीडमध्ये बजरंग सोनवणे जायंट किलर ठरले आहेत.
हे ही वाचा : फडणवीस सरकारमधून बाहेर पडणार! शिंदे सरकार धोक्यात येईल का?
नवनीत राणांचा पराभव
अमरावती लोकसभा मतदार संघात काँग्रेसच्या बळवंत वानखेडे यांनी भाजप आमदार नवनीत राणा यांचा पराभव केला आहे. बळवंत वानखेडे यांना या निवडणुकीत 5 लाख 26 हजार 271 मतं पडली होती, तर नवनीत राणा यांना 5 लाख 6 हजार 540 मतं पडली आहेत. त्यामुळे 19 हजार 731 मतांनी राणांचा पराभव झाला.
नंदूरबारमध्ये हिना गावित हरल्या
नंदूरबार लोकसभा मतदार संघात 10 वर्ष खासदार राहिलेल्या हिना गावित यांचा अॅड. गोवाल पाडवी यांनी 1 लाख 59 हजार 120 मतांनी पराभव केला आहे. काँग्रेसचे उमेदवार गोवाल पाडवी यांना 7 लाख 45 हजार 998 मते पडली आहेत. तर हिना गावित यांना 5 लाख 86 हजार 878 मतं मिळाली होती.
हे वाचलं का?
