PM Modi : "मला अशी सत्ता नकोय, जी देश उद्ध्वस्त करेल", मोदी असं का म्हणाले?

इंडिया टुडे ग्रुपचे न्यूज डायरेक्टर राहुल कंवल, मॅनेजिंग एडिटर अंजना ओम कश्यप, मॅनेजिंग एडिटर श्वेता सिंग आणि कन्सल्टिंग एडिटर सुधीर चौधरी यांच्याशी बोलताना ते म्हणाले, "मुद्दा असा आहे की, त्यांनी त्यांच्या जाहीरनाम्यात लिहिले आहे की, आता ते कंत्राटी पद्धतीतही अल्पसंख्यांकांना आणणार आहेत. त्या ठरावाला माझा विरोध असेल तर मी धर्मनिरपेक्ष आहे, पण त्यात मला अल्पसंख्याक हा शब्द वापरावा लागतो, मुस्लिम हा शब्द म्हणावा लागतो, तर मग मी त्यांच्यावर हल्ला करतोय, असा अर्थ काढला जातो. मी त्यांच्यावर हल्ला करत नाही, तर मी त्या राजकीय पक्षांवर हल्ला करत आहे, जे भारताच्या धर्मनिरपेक्षतेला फाटा देत आहेत, जे तुष्टीकरणाचे राजकारण करत आहेत, देशाच्या संविधानाचा आत्मा नष्ट करत आहेत."

'त्यांचा जाहिरनामा समजून सांगत होतो'

भाषणांमध्ये मंगळसूत्र आणि मुस्लीम यांसारख्या शब्दांचा उल्लेख करण्याबद्दल मोदी म्हणाले की, "मी काँग्रेसचा जाहीरनामा लोकांना समजावून सांगत आहे. समजा एका गावात 700 लोक आहेत आणि अमूक एका योजनेचे 100 लाभार्थी आहेत, तर त्या सर्वांना त्यांचा हक्क मिळावा, अशी माझी इच्छा आहे. या जातीचा किंवा त्या जातीचा नाही. जे पात्र आहेत त्यांना ते मिळाले पाहिजे. कारभारात भेदभाव असता कामा नये."

हेही वाचा >> पत्रकार परिषद घेत नाही कारण...; अखेर मोदींनी दिलं उत्तर

मोदी म्हणाले की, "आमच्या बाजूने आम्ही हिंदू-मुस्लीम अशी फूट कुठेही पाडलेली नाही. आम्ही त्यांचा जाहीरनामा समजावून सांगत होतो. आता आम्ही त्यात मागेपुढे पाहत नाही. आम्ही मुस्लीम असा उल्लेख केल्यास आमच्यावर शिक्का मारला जाईल, असा संकोच न करता मी मुस्लिमांना समजावत होतो. ते तुम्हाला मूर्ख बनवत आहेत. 75 वर्षांपासून फसवणूक करत आहे. तू का मूर्ख बनत आहात? आणि मी समजूतदार मुस्लिमांना सांगतोय की समजून घ्या. तुम्हाला काय मिळाले? धर्माच्या आधारावर त्यांनी देश ताब्यात घेतला, पण तो देश मदरशांमधून चालणार का? त्यांना प्रशासक नको का? त्यांना डॉक्टर नकोत का? त्यांना अभियंते नकोत का?"

"मी जे काही करेन ते देशासाठी करेन"

पंतप्रधान नरेंद्र मोदी म्हणाले, 'मी जे करेन ते देशासाठी करेन. मतांसाठी देशाला बुडवू शकत नाही. मला अशी सत्ता नकोय, जी देश उद्ध्वस्त करेन. अशी सत्ता मला मान्य नाही. मी कधीच हिंदू-मुस्लीम केले नाही आणि करत नाही. पण तिहेरी तलाक चुकीचा असेल तर मी तसे म्हणतो."