Devendra Fadnavis Mumbai tak Baithak 2024: पक्ष फोडण्याची स्पर्धा घेतली तर पवार साहेबांना गोल्ड मेडल: फडणवीस

मी सत्तेत पुन्हा आलो पण येताना दोन पक्ष फोडून आलो.. असं विधान करणं तुम्हाला भोवलं का? या प्रश्नावर उत्तर देताना फडणवीसांनी थेट शरद पवारांनाच टार्गेट केलं. पाहा मु्ंबई Tak बैठकीत देवेंद्र फडणवीस नेमकं काय म्हणाले?

हे ही वाचा>> Eknath Shinde : ''मला अडकण्याचा डाव होता'', मुख्यमंत्री शिंदेंच्या विधानाने खळबळ

'आजपर्यंत पक्ष फोडण्याचा रेकॉर्ड हा पवार साहेबांच्या नावावर'

'एक गोष्ट निश्चित आहे की, पवार साहेबांनी अतिशय अनुभवाने जागा निवडल्या. याचं त्यांचा श्रेय द्यावं लागेल. अँटी इन्कम्बन्सी कुठे आहे याचा विचार करून त्यांनी जागा निवडल्या. त्यांनी ज्या जागा निवडल्या.. कमी जागा घ्यायच्या.. मला असं वाटतं की, पवार साहेब आताही ते कमीच जागा घेतील. कमी जागा घ्यायच्या पण निवडून येणाऱ्या जागा घ्यायच्या..' 

'पवार साहेबांना सहानुभूती मिळाली आणि त्यांनी खूप जागा जिंकल्या अशी परिस्थिती नाही.. आता बीडची जागा ते निवडून आले. ६ हजार मतांनीच निवडून आले ना.. तिथे कुठे सहानुभूती आहे, ध्रुवीकरणावरच ते निवडून आले.' 

'मला एक सांगा.. पवार साहेबांनी किती पक्ष फोडले? आजपर्यंत पक्ष फोडण्याचा रेकॉर्ड हा सगळ्यात जास्त पवार साहेबांच्या नावावर आहे. देशामध्ये जर पक्ष फोडण्याची स्पर्धा घेतली तर गोल्ड मेडल पवार साहेबांना मिळेल.यामुळे मला असं वाटतं की इको सिस्टिमला पकडून हा जो काही एक सहानुभूतीचा फॅक्टर तयार केला जातो.. तो थोडा चालतो पण फार नाही चालत.' 

'एवढं सगळं असतं तर ४३.६ आणि ४३.९ त्यांना मतं का मिळाली. फक्त ०.३ टक्क्यांचा फरक का? हा फरक ४-५ टक्के हवा होता.' असं म्हणत देवेंद्र फडणवीस यांनी शरद पवारांवर निशाणा साधला.