किरण बेदींना पुदुच्चेरीच्या उपराज्यपालपदावरून हटवलं, हे आहे कारण

राष्ट्रपती भवनाने जारी केलेल्या प्रसिद्धीपत्रकानुसार, तेलंगनाच्या राज्यपाल तमिलिसाई सुंदरराजन तेलंगनासोबत आता पुदुच्चेरीच्या उपराज्यपाल म्हणूनही जबाबदारी पार पाडतील. नव्याने किंवा स्वतंत्र व्यक्तीची नियुक्ती होईपर्यंत उपराज्यपाल पदाची जबाबदारी तमिलीसाई सुंदरराजन यांच्याकडेच राहील.

आयपीएस अधिकारी राहिलेल्या किरण बेदींना २९ मे २०१६ ला उपराज्यपाल म्हणून नेमण्यात आलं होतं. येत्या मे महिन्यात त्यांचा कार्यकाळ पूर्ण होणार होता. पण उपराज्यपाल म्हणून नेमणूक झाल्यापासून किरण बेदी आणि सरकार यांच्यात वाद सुरू होते.