आरोग्य भरती, म्हाडा, टीईटी परीक्षा अन् कोट्यवधींचा भ्रष्टाचार; पोलिसांना आतापर्यंत काय सापडलं?
राज्यात विविध परीक्षांमध्ये झालेल्या गैरप्रकाराचा मुद्दा चर्चेत आला आहे. आरोग्य विभागातील विविध पदांसाठी झालेल्या परीक्षेची प्रश्नपत्रिका फोडण्याबरोबर म्हाडा परीक्षेचा पेपरही फोडण्याचाही कट होता. त्याचबरोबर या तपासात टीईटी परीक्षेत कोट्यवधींचा घोटाळा झाल्याचंही समोर आलेलं असून, पोलिसांकडून आरोपींची धरपकड सुरू आहे. तिन्ही प्रकरणाच्या तपासाबद्दल पुणे पोलिसांनी आज माहिती दिली. पोलीस काय म्हणाले? 31 ऑक्टोबर 2021 रोजी आरोग्य […]
ADVERTISEMENT
राज्यात विविध परीक्षांमध्ये झालेल्या गैरप्रकाराचा मुद्दा चर्चेत आला आहे. आरोग्य विभागातील विविध पदांसाठी झालेल्या परीक्षेची प्रश्नपत्रिका फोडण्याबरोबर म्हाडा परीक्षेचा पेपरही फोडण्याचाही कट होता. त्याचबरोबर या तपासात टीईटी परीक्षेत कोट्यवधींचा घोटाळा झाल्याचंही समोर आलेलं असून, पोलिसांकडून आरोपींची धरपकड सुरू आहे. तिन्ही प्रकरणाच्या तपासाबद्दल पुणे पोलिसांनी आज माहिती दिली.
पोलीस काय म्हणाले?
31 ऑक्टोबर 2021 रोजी आरोग्य विभागाच्या नोकर भरतीतील गट ‘ड’ प्रवर्गातील लेखी परीक्षेची प्रश्नपत्रिका परीक्षेपुर्वीच फोडण्यात आल्याबाबत पुण्यातील सायबर पोलीस स्टेशनमध्ये तक्रार दाखल करण्यात आली होती. तक्रारीची प्राथमिक चौकशी केली असता परीक्षेपुर्वीच प्रश्नपत्रिका फोडण्यात आल्याचे ठोस पुरावे मिळाले. पोलिसांनी ही माहिती आरोग्य विभागाच्या सचिवांना कळवली होती. त्यानुसार मुख्य प्रशासकीय अधिकारी स्मिता कारेगांवकर यांच्या तक्रारीवरून 26 नोव्हेंबर 2021 रोजी (गु.र क्रमांक ५३ / २०२१ भा.दं.वि कलम ४०६,४०९, ४२० १२०(ब), ३४ सह महाराष्ट्र विदयापिठ मंडळाच्या व इतर विनिर्दिष्ट परिक्षांमध्ये होणाऱ्या गैरप्रकारास प्रतिबंध अधिनीयम कलम ३.५.६८ कलमांखाली) गुन्हा दाखल करण्यात आला होता.
आरोग्य विभाग भरतीची प्रश्नपत्रिका ‘न्यासा’च्या अधिकाऱ्यांनीच फोडली; छपाईवेळीच केला प्रताप
हे वाचलं का?
