नवज्योत सिंग सिद्धूंनी दिला प्रदेशाध्यपदाचा राजीनामा; काँग्रेससमोर नवं संकट

पंजाबचे माजी मुख्यमंत्री कॅप्टन अमरिंदर सिंग हे भाजप नेत्यांच्या भेटीसाठी दिल्ली रवाना होण्यापूर्वीच पंजाब काँग्रेसमध्ये भूकंप आला आहे. कॅप्टन अमरिंदर सिंग यांना मुख्यमंत्री पदावरून हटवणाऱ्या नवज्योत सिंग सिद्धू यांनी प्रदेशाध्यक्षपदाचा अचानक राजीनामा दिला आहे.

नवज्योत सिंग सिद्धू यांनी काँग्रेसच्या हंगामी अध्यक्ष सोनिया गांधी यांच्याकडे राजीनामा पाठवून दिला. कोणत्याही व्यक्तीच्या चारित्र्याची घसरण तडजोडीमुळे सुरू होते. मी पंजाबच्या भविष्यासोबत कोणतीही तडजोड करू शकत नाही. त्यामुळेच पंजाबच्या काँग्रेस प्रदेशाध्यक्षपदाचा तत्काळ राजीनामा देत आहे, असं सिद्धू यांनी राजीनाम्या म्हटलं आहे.

“मी काँग्रेसचा अध्यक्ष असतो, तर कॅप्टन अमरिंदर सिंगांना ३० दिवसातच पक्षातून हाकललं असतं”