'सिंधुताई निघून गेल्या' म्हणणाऱ्यांना माईंच्या मुलीने केली विनंती; हात जोडून काय म्हणाल्या ममता ?

जाणून घ्या काय आवाहन केलं आहे ममता सकपाळ यांनी?
'सिंधुताई निघून गेल्या' म्हणणाऱ्यांना माईंच्या मुलीने केली विनंती; हात जोडून काय म्हणाल्या ममता ?

अनाथ मुलांची आई असलेल्या सिंधुताई यांची प्राणज्योत मंगळवारी रात्री मालवली. त्यामुळे महाराष्ट्रातल्या अनाथांचा आधारवड गेल्याची भावनाच सगळ्यांच्या मनात निर्माण झाली आहे. अनाथांची माई झालेल्या सिंधुताईंचं कार्य आभाळाएवढं होतं. त्यांच्या निधनानंतर आता त्यांची मुलगी ममता सकपाळ यांचीही प्रतिक्रिया समोर आली आहे. माई निघून गेल्या असं कुणी म्हणू नका असं आवाहन त्यांनी केलं आहे.

सिंधुताई सपकाळ.
सिंधुताई सपकाळ.

काय म्हणाल्या ममता?

'सिंधुताई सपकाळ या निघून गेल्या आहेत असं म्हणू नका. हे शब्द कृपा करून वापरू नका. ते एक वादळ होतं, शांत झालं. आईसारख्या व्यक्ती जगातून कधीही निघून जात नाहीत. त्या असतात, त्या आहेत त्यामुळे निघून गेल्या हे लेबल त्यांना लावू नका. ती आमच्यात अजूनही जिवंत आहे आणि यापुढेही राहणार आहे' असं म्हणत असताना ममता यांचे डोळे पाणावले.

सिंधुताई सपकाळ यांच्यावर दीड महिन्यांपूर्वी हर्नियाची शस्त्रक्रिया झाली होती. त्यानंतर त्या रुग्णालयातच उपचार घेत होत्या. मात्र असं एकाएकी त्यांचं निधन होईल, याची कल्पना कुणालाही नव्हती. सिंधुताई आणि ममता यांचं शेवटचं बोलणं काय झालं, असा प्रश्न विचारला असता ममता म्हणाल्या, सध्या तरी तसं काही आठवत नाही. पण जे बोलणं झालं, त्यातही त्यांनी मुलांचीच चौकशी केली. मुलांची काळजी घ्या. शाळा सुरु झाल्या की नाही, मुले शाळेत जातात का, अशी चौकशी त्यांनी केली होती.

'सिंधुताई निघून गेल्या' म्हणणाऱ्यांना माईंच्या मुलीने केली विनंती; हात जोडून काय म्हणाल्या ममता ?
सिंधुताई सपकाळांना कोणता आजार झाला होता?; रुग्णालयाच्या बुलेटीनमध्ये काय म्हटलंय?

अनाथ मुलांना आधार देण्याचं मोठं कार्य सिंधुताई सपकाळ यांनी आयुष्यभर केलं. आता हे काम पुढेही असंच चालू राहणार असं आश्वासन ममता यांनी दिलं. त्या म्हणाल्या, ‘ तिचं सगळं काम जे.. ज्या पद्धतीने सुरु होतं, तसंच पुढे सुरू राहिल. तिने आम्हाला वाढवलं. तसंच, त्या पद्धतीतून हे कार्य अव्याहत सुरु राहील. त्या प्रत्येक गोष्टीतून ती आमच्यात जिवंत आहे, असं ममता म्हणाल्या.

सिंधुताई सपकाळ यांनी वयाच्या 75 व्या वर्षी पुण्यातल्या गॅलेक्सी रूग्णालयात अखेरचा श्वास घेतला. अनाथांसाठी आपलं आयुष्य वेचणाऱ्या माई या जग सोडून गेल्या ही बातमी समजताच सगळ्या महाराष्ट्रावर शोककळा पसरली आहे. आता त्यांच्या मुलीची पहिली प्रतिक्रिया समोर आली आहे.

Related Stories

No stories found.
Mumbai Tak
www.mumbaitak.in