‘पवारांचं २०२४ ला विसर्जन करायचं’; सुप्रिया सुळेंना वरमाय म्हणत गोपीचंद पडळकरांचं टीकास्त्र
भाजपचे आमदार गोपीचंद पडळकर यांनी शरद पवार आणि सुप्रिया सुळे यांच्यावर टीकेचे बाण डागले. २०२४ ला पवारांचं विसर्जन करायचं आहे. हे फार अवघड नाही. त्याची सुरूवात करण्यासाठी चंद्रशेखर बावनकुळे हे बारामतीत आले आहेत, असं विधान पडळकर यांनी केलं. शरद पवारांचा बालेकिल्ला मानला जाणाऱ्या बारामती मतदारसंघ ताब्यात घेण्यासाठी भाजपनं रणनीती आखली आहे. भाजपनं बारामती पिंजून काढण्यास […]
ADVERTISEMENT
भाजपचे आमदार गोपीचंद पडळकर यांनी शरद पवार आणि सुप्रिया सुळे यांच्यावर टीकेचे बाण डागले. २०२४ ला पवारांचं विसर्जन करायचं आहे. हे फार अवघड नाही. त्याची सुरूवात करण्यासाठी चंद्रशेखर बावनकुळे हे बारामतीत आले आहेत, असं विधान पडळकर यांनी केलं.
शरद पवारांचा बालेकिल्ला मानला जाणाऱ्या बारामती मतदारसंघ ताब्यात घेण्यासाठी भाजपनं रणनीती आखली आहे. भाजपनं बारामती पिंजून काढण्यास सुरूवात केली असून, केंद्रीय अर्थमंत्री निर्मला सीतारामन यांच्या दौऱ्यापूर्वी भाजपचे प्रदेशाध्यक्ष गोपीचंद पडळकर आज बारामती मतदारसंघाच्या दौऱ्यावर आहेत.
चंद्रशेखर बावनकुळे यांच्या उपस्थितीत झालेल्या कार्यक्रमात बोलताना आमदार गोपीचंद पडळकर यांनी राष्ट्रवादी काँग्रेसचे अध्यक्ष शरद पवार आणि सुप्रिया सुळे यांच्यावर टीकास्त्र डागलं.
लोकसभा निवडणूक २०२४ : पवारांचं विसर्जन करायचं आहे -गोपीचंद पडळकर
गोपीचंद पडळकर म्हणाले, ‘गणपतीची स्थापना होऊन सातवा दिवस आहे. आज आपण गणपतीचं विसर्जन करणार आहोत. गणपती पुढच्या वर्षी परत येत असतो. २०२४ पवारांचं विसर्जन करण्यासाठी राज्याचे प्रदेशाध्यक्ष चंद्रशेखर बावनकुळे त्याची सुरुवात करायला बारामतीत आले आहेत.’
हे वाचलं का?
