Santosh Deshmukh Case : आरोपी फक्त 8 नाही, मुंडेंचा राजीनामा म्हणजे शेवट नाही? घडामोडींचा अर्थ काय?
Santosh Deshmukh News: संतोष देशमुख प्रकरणातील चार्जशीटमधील फोटो बाहेर काढण्याचा आणि राजीनामा देण्याचा हा सर्व घटनाक्रम ठरवून केला गेला का? यामागे नेमकं काय राजकारण आहे? असे अनेक प्रश्न सध्या उपस्थित होतायत.
ADVERTISEMENT
बातम्या हायलाइट
धनंजय मुंडे लवकरंच पुन्हा मंत्री होणार?
अबू आझमींनी अचानक वादग्रस्त वक्तव्य का केलं?
Beed Sarpanch Case Updates: राज्याचे अन्न व पुरवठा मंत्री धनंजय मुंडे यांनी काल राजीनामा दिला. राज्याच्या अर्थसंकल्पीय अधिवेशनाच्या दुसऱ्याच दिवशी (कामकाजाजा पहिला दिवस) दिला गेलेला हा राजीनामा संतोष देशमुख यांच्या यांची हत्या करतानाचे फोटो व्हायरल झाल्यानंतरचा तातडीचा निर्णय आहे. मात्र, चार्जशीटमधील फोटो बाहेर काढण्याचा आणि राजीनामा देण्याचा हा सर्व घटनाक्रम ठरवून केला गेला का? यामागे नेमकं काय राजकारण आहे? असे अनेक प्रश्न सध्या उपस्थित होतायत. नेमका या सर्व गोष्टींचा घटनाक्रम आणि त्यातून निर्माण होणारे प्रश्न समजून घेऊ.
3 मार्च : संतोष देशमुख यांच्या हत्येचे चार्जशीटमधील फोटो समोर येतात. क्रूरता पाहून महाराष्ट्र हादरतो. धनंजय मुंडे यांच्या राजीनाम्याची मागणी व्हायला लागते आणि वातावरण पेटतं.
4 मार्च : अधिवेशनाचा दुसरा दिवस आणि खऱ्या अर्थाने कामकाज सुरू होण्याचा पहिला दिवस. लोकांच्या मनात तयार झालेल्या भावनांप्रमाणेच धनंजय मुंडे यांचा राजीनामा घेतला जातो.
मुख्यमंत्री फडणवीस म्हणतात, नैतिकतेच्या आधारावर धनंजय मुंडेंनी राजीनामा दिला. तर धनंजय मुंडे, सोशल मीडियावर लिहितात “तपास पूर्ण झालाय. मी विवेकाला स्मरून आणि डॉक्टरांनी आराम करायला सांगितल्याने वैद्यकीय कारणास्तव राजीनामा देतोय.”
धनंजय मुंडे यांनी राजीनामा दिल्यानं सर्वसामान्यांना वाटलं न्याय होतोय.तसंच दुसरीकडे विरोधकांनाही सभागृहात सरकारला घेरण्यासाठी विशेष मुद्दा उरलेला दिसत नाही. कारण सरकारला जेव्हा बीड प्रकरणाबद्दल प्रश्न विचारले जातील, तेव्हा धनंजय मुंडे यांनी राजीनामा दिल्याचं सांगितल्या जाण्याची शक्यता आहे.
हे वाचलं का?
