Gold Price: सोन्याच्या दराने 28 महिन्याचा रेकॉर्ड मोडला; आजचा दर काय?
Gold Rate: मुंबई: सोन्याचे (Gold) भाव वाढत असून दररोज नवनवे विक्रम रचत आहेत. गेल्या वर्षी ऑक्टोबरमध्ये दिवाळी आणि धनत्रयोदशीच्या काळात विक्रीत वाढ झाल्यामुळे उत्साही असलेल्या ज्वेलर्सना नवीन वर्षात मागणी वाढण्याची अपेक्षा होती, मात्र सोन्याच्या किमती ज्या दराने वाढत आहेत, त्यामुळे या आशा धुळीला मिळत आहेत. आंतरराष्ट्रीय स्तरावर, सोन्याच्या किमती नोव्हेंबर 2022 मध्ये सुमारे $1,615 वरून […]
ADVERTISEMENT
Gold Rate: मुंबई: सोन्याचे (Gold) भाव वाढत असून दररोज नवनवे विक्रम रचत आहेत. गेल्या वर्षी ऑक्टोबरमध्ये दिवाळी आणि धनत्रयोदशीच्या काळात विक्रीत वाढ झाल्यामुळे उत्साही असलेल्या ज्वेलर्सना नवीन वर्षात मागणी वाढण्याची अपेक्षा होती, मात्र सोन्याच्या किमती ज्या दराने वाढत आहेत, त्यामुळे या आशा धुळीला मिळत आहेत. आंतरराष्ट्रीय स्तरावर, सोन्याच्या किमती नोव्हेंबर 2022 मध्ये सुमारे $1,615 वरून आता सुमारे $1,921 प्रति पर्यंत वाढल्या आहेत. इंडियन बुलियन ज्वेलर्स असोसिएशनच्या म्हणण्यानुसार, देशांतर्गत बाजारात सोन्याचा भाव 5,681 रुपये प्रति ग्रॅम या नवीन विक्रमी पातळीवर आहे.
गेल्या आठवड्यात जुना रेकॉर्ड मोडला
गेल्या आठवड्यात शुक्रवारी सोन्याने 56,245 रुपये प्रति 10 ग्रॅमचा नवा उच्चांक गाठला आणि गेल्या 28 महिन्यांचा विक्रम मोडला. ऑगस्ट 2020 नंतरचा हा नवा उच्चांक होता. यापूर्वी 8 ऑगस्ट 2020 रोजी सोन्याचा भाव 56,191 रुपये प्रति 10 ग्रॅमवर पोहोचला होता. दुसरीकडे, आठवड्याच्या पहिल्या व्यवहाराच्या दिवशी, सोमवारी नवीन विक्रमी उच्चांक गाठला आणि इंडियन बुलियन ज्वेलर्स (IBJ) नुसार, सोने प्रति दहा ग्रॅम 56,810 रुपयांवर पोहोचले आहे.
देशांतर्गत बाजारात गगनाला भिडलेली किंमत
भारतीय बुलियन ज्वेलर्स असोसिएशन (IBJA) च्या वेबसाइटनुसार, देशांतर्गत बाजाराबद्दल बोलायचे तर, सोमवारी दुपारी 2.30 वाजेपर्यंत GST काढून टाकल्यानंतर फाईन गोल्ड (999) 56,681 रुपयांवर व्यवहार करत होते. याशिवाय 22 कॅरेट सोन्याचा भाव 55,450 रुपये प्रति 10 ग्रॅम आणि 20 कॅरेट सोन्याचा भाव 50,560 रुपये प्रति 10 ग्रॅम होता. विशेष म्हणजे दागिने बनवण्यासाठी बहुतेक फक्त 22 कॅरेटचा वापर केला जातो. काही लोक 18 कॅरेट सोने देखील वापरतात. दागिन्यांवर कॅरेटनुसार हॉल मार्क केले जाते. 24 कॅरेट सोन्याच्या दागिन्यांवर 999 लिहिले आहे, तर 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहिले आहे.
हे वाचलं का?
ADVERTISEMENT
यूएस मध्ये कमी चलनवाढीचा परिणाम
कमोडिटी मार्केटचे बारकाईने निरीक्षण करणाऱ्या तज्ज्ञांच्या मते, अमेरिकेतील महागाईच्या आकड्यांमध्ये घट झाल्याचा परिणाम सोन्याच्या किमतीवर दिसून येत आहे. डॉलरच्या निर्देशांकात घसरण झाली असून, त्यामुळे परदेशी बाजारात सोन्याच्या किमतीत जोरदार वाढ झाली आहे. त्यामुळे देशांतर्गत बाजारातही सोन्याचे भाव वाढलेलं आहे.
लग्नाच्या हंगामापूर्वी झटका
सोन्याच्या भावात झालेली वाढ ही तेंव्हा झाली आहे जेव्हा लग्नाचा हंगाम सुरू होणार आहे. चलनवाढीचा दर कमी झाल्यामुळे, आता यूएस फेडरल रिझर्व्ह (यूएस फेड) कडून व्याजदर वाढवण्याच्या वेगाला ब्रेक लागेल अशी अपेक्षा वाढली आहे. दुसरीकडे, चांदीच्या जागतिक दरात घसरण नोंदवली गेली.
ADVERTISEMENT
ADVERTISEMENT