गायरान जमीन वाटप : सत्तारांनी सोडलं मौन, विरोधकांना सांगितलं प्रकरण
वाशिम जिल्ह्यातील गायरान जमीन वाटप प्रकरणामुळे अब्दुल सत्तार अडचणीत आले. हिवाळी अधिवेशनात विरोधकांनी प्रकरण सभागृहात मांडलं आणि सत्तारांच्या राजीनाम्याची मागणी केली. वादाच्या भोवऱ्यात आणणाऱ्या या प्रकरणावर अब्दुल सत्तार काय बोलणार याकडे सगळ्यांचं लक्ष होतं. अखेर कृषीमंत्री अब्दुल सत्तारांनी या प्रकरणावर सविस्तर निवेदन केलं. वाशिम जिल्ह्यातील गायरान जमीन वाटप प्रकरणावर विधानसभेत बोलताना अब्दुल सत्तार म्हणाले, “महाराष्ट्र […]
ADVERTISEMENT

वाशिम जिल्ह्यातील गायरान जमीन वाटप प्रकरणामुळे अब्दुल सत्तार अडचणीत आले. हिवाळी अधिवेशनात विरोधकांनी प्रकरण सभागृहात मांडलं आणि सत्तारांच्या राजीनाम्याची मागणी केली. वादाच्या भोवऱ्यात आणणाऱ्या या प्रकरणावर अब्दुल सत्तार काय बोलणार याकडे सगळ्यांचं लक्ष होतं. अखेर कृषीमंत्री अब्दुल सत्तारांनी या प्रकरणावर सविस्तर निवेदन केलं.
वाशिम जिल्ह्यातील गायरान जमीन वाटप प्रकरणावर विधानसभेत बोलताना अब्दुल सत्तार म्हणाले, “महाराष्ट्र विधानसभा नियम 35 अन्वये विरोधी पक्षनेते अजित पवार यांनी उपस्थित केलेल्या मुद्द्यासंदर्भात मी निवेदन करतोय.”
“महाराष्ट्र जमीन, महसूल अधिनियम 1966 चे कलम 248 अन्वये योगेश रमेश खंदारे गवळीपुरा, वाशिम यांचा माझ्यासमोर राज्यमंत्री म्हणून घोडेबाभूळगाव, वाशिम येथील सर्व्हे नं क्र. 44 मधील गायरान जमीनसंदर्भात याचिका सादर केलेली होती.”
“याचिकाकर्त्याने फिरस्ती नोंदवही 1946/47 ते 1952 पर्यंत पेरणी बाबत उल्लेख असल्याचा पुरावा महसूल विभागाचा दाखल केला होता. रामजी भिवाजी खंदारे यांनी या जमिनीचा प्राधान लँड उल्लेख असल्याची कागदपत्रे माझ्यासमोर सादर केली. या कागदपत्रावरून अपिलकर्ता आणि त्याच्या पूर्वजांनी वंश परंपरा पद्धतीने 1946 ते 1993 पर्यंत त्याचा ताबा असलेली सर्व महसूल दस्ताऐवज प्रथमदर्शनी दिसून येते.”