Baramati : अजित पवारांच्या बंडामुळे सुप्रिया सुळेंचं वाढलं टेन्शन, ‘हे’ असेल आव्हान
1967 पासून बारामती विधानसभा मतदारसंघ पवार कुटुंबाकडे आहे. तर 1991 पासून बारामती लोकसभा मतदारसंघ हा पवार कुटुंबाचा अभेद्य बालेकिल्ला राहिला आहे.
ADVERTISEMENT
Politics of Maharashtra : अजित पवार यांनी काका शरद पवार यांच्याविरोधात बंडखोरी केली. अजित पवार आपल्या समर्थक नेत्यांना घेऊन वेगळे झाले आणि भाजपसोबत घरोबा केला. त्यामुळे अजित पवार गट आणि शरद पवार गट, असे राष्ट्रवादी काँग्रेसमध्ये आता दोन गट पडले आहेत. मात्र या राजकीय उलथापालथीमुळे आगामी लोकसभा निवडणुकीत शरद पवार यांच्या कन्या सुप्रिया सुळे यांच्यासमोर मोठं आव्हान निर्माण झाले आहे. (Supriya Sule’s tension increased due to brother Ajit Pawar’s rebellion)
बारामती लोकसभा मतदारसंघात सहा विधानसभा मतदारसंघ आहेत. म्हणजे येथे 6 आमदार आहेत. यापैकी केवळ 2 राष्ट्रवादीचे आहेत. एक अजित पवार आणि दुसरे इंदापूरचे आमदार दत्ता भरणे. सध्या दत्ता भरणे अजित पवारांच्या गटात आहेत. उर्वरित 4 पैकी 2 भाजपचे तर 2 काँग्रेसचे आमदार आहेत. खडकवासला मतदारसंघातून भाजपचे भीमराव तापकीर, तर राहुल कुल हे दौंड विधानसभा मतदारसंघातून आमदार आहेत. पुरंदर मतदारसंघातून काँग्रेसचे संजय जगताप तर भोर विधानसभा मतदारसंघातून संग्राम थोपटे आमदार आहेत.
भाजपचे लक्ष बारामतीवर
महाराष्ट्रात लोकसभा निवडणुकीत 45 हून अधिक जागा जिंकण्याचा प्लॅन भाजपने तयार केला आहे. यासाठी पक्षाने काही हायप्रोफाईल मतदारसंघांवर लक्ष केंद्रित केले आहे. हे मतदारसंघ गेल्या निवडणुकीपर्यंत भाजपसाठी आव्हानात्मक राहिले आहेत. यामध्ये बारामती ही प्रमुख जागा असून, तेथे भाजपने अनेक दिवसांपासून लक्ष केंद्रित केले आहे.
वाचा >> ‘धनंजय मुंडेंना तेव्हा मीच सांगितलेलं भाजप सोडू नका…’, अजित पवार का होतायेत ट्रोल?
अगदी केंद्रीय अर्थमंत्री निर्मला सीतारामन आणि इतर केंद्रीय नेत्यांनीही अलीकडच्या काळात बारामती लोकसभा मतदारसंघाला अनेकदा भेटी दिल्या आहेत. त्यांनी भाजपची धोरणे शेतकरी, महिला आणि तरुणांपर्यंत पोहोचवण्यावर भर दिला. एवढेच नाही तर बारामती लोकसभा मतदारसंघातील डॉक्टर, शिक्षक आणि अभियंता यांचीही भाजप नेते बैठक घेत आहेत.
हे वाचलं का?
