“शिवतीर्थावर अर्धवटरावांनी…”, उद्धव ठाकरेंच्या टीकेला भाजपचं प्रत्युत्तर
Uddhav Thackeray vs Bjp : महाराष्ट्र भाजपने शिवसेना UBT पक्षप्रमुख उद्धव ठाकरे यांच्या टीकेला प्रत्युत्तर दिले. तुम्ही एकटेच शिल्लक राहाल, असा इशारा भाजपने दिला.
ADVERTISEMENT
Maharashtra Politics, Dasara Melava 2023 : शिवाजी पार्क मैदानात झालेल्या दसरा मेळाव्यात बोलताना शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी थेट पंतप्रधान नरेंद्र मोदींना लक्ष्य केले. घराणेशाही, भ्रष्टाचारावरून ठाकरेंनी उलटसवाल केला. ठाकरेंच्या टीकेला भाजपकडून प्रत्युत्तर देण्यात आलं. उद्धव ठाकरेंचा अर्धवटराव असा उल्लेख करत खिल्लीही उडवली आहे.
ठाकरेंच्या शिवसेनेचा शिवाजी पार्क मैदानात दसरा मेळावा झाला. या मेळाव्यात उद्धव ठाकरेंनी पंतप्रधान नरेंद्र मोदी आणि भाजपला लक्ष्य केले. भाजपकडून घराणेशाही आणि भ्रष्टाचाराचा मुद्दा अधोरेखित केला जात आहे. मोदी आणि भाजप नेते याच मुद्द्यावरून विरोधकांना कोंडी पकडण्याचा प्रयत्न करताना दिसत आहे. त्यावरून ठाकरेंनी टीका केली.
ठाकरेंना म्हणाले अर्धवटराव… भाजपने काय म्हटलंय?
भाजपने उद्धव ठाकरेंच्या टीकेला उत्तर दिलं आहे. ठाकरेंना इंडिया आघाडीचे वकील म्हणत भाजपने म्हटलं आहे की, “शिवतीर्थावर अर्धवट भरलेल्या मैदानात अर्धवटरावांनी आज पुन्हा एकदा पंतप्रधान नरेंद्र मोदीजींवर टीका केली आणि घराणेशाही वाचवण्यासाठी एकत्र आलेल्या इंडिया आघाडीची वकिली केली.”
हे ही वाचा >> Dasara Melava 2023: ‘पुढचं येणारं सरकार एका पक्षाचं नको…’, उद्धव ठाकरेंच्या वक्तव्याने खळबळ
घोटाळ्यावरून ठाकरेंना घेरलं
उद्धव ठाकरेंनी केलेल्या टीकेला उत्तर देताना भाजपने पुन्हा एकदा भ्रष्टाचाऱ्याच्या मुद्द्यावरून घेरलं आहे.”उद्धव ठाकरे यांनी लक्षात ठेवावं, कोविड काळात महाराष्ट्रात लोकांना उपचार मिळत नव्हते, तेव्हा तुम्ही प्रेतांसाठीच्या बॅगामध्येही घोटाळे केले. कोविड सेंटर उभारणीत कुणी लोणी खाल्लं हे लोक विसरले नाहीत. कट कमिशनवर तुम्ही केलेल्या औषध घोटाळ्यांची चौकशी सुरू आहे”, असं भाजपने म्हटलं आहे.
हे वाचलं का?
