Amit Shah : "पवारांना मुलीला मुख्यमंत्री करायचं, तर ठाकरेंना मुलाला"; शाहांचा घणाघात
Amit Shah on uddhav thackeray and Sharad Pawar : अमित शाह यांनी भाजपच्या राष्ट्रीय बैठकीत शरद पवार आणि उद्धव ठाकरेंचा उल्लेख करत निशाणा साधला.
ADVERTISEMENT
बातम्या हायलाइट
अमित शाह यांची इंडिया आघाडीवर हल्लाबोल
शरद पवार, उद्धव ठाकरेंना शाहांनी केलं लक्ष्य
लोकसभा निवडणुकीचं फुंकलं रणशिंग
Amit Shah Sharad Pawar Uddhav Thackeray : केंद्रीय गृहमंत्री अमित शाह यांनी इंडिया आघाडीवर घणाघाती टीका केली. भ्रष्टाचार आणि घराणेशाहीच्या मुद्द्यावर बोट ठेवत अमित शाहांनी इंडिया आघाडीतील नेत्यांना लक्ष्य केलं.
भाजपच्या राष्ट्रीय कार्यकारिणीची दोन दिवसीय बैठक दिल्लीत आयोजित करण्यात आली. या बैठकीत बोलताना अमित शाह म्हणाले, "आपल्याकडे असं म्हणतात की, गोष्टीचं अस्तित्व हे आकाश, भूमी आणि पाताळापर्यंत असतं. पण, काँग्रेसने तर अंतराळात घोटाळा केला. पाताळातून पुढे जाऊन खदाणींमध्ये घोटाळा केला. समुद्रालाही सोडलं नाही, तिथेही पाणबुडी घोटाळा केला."
काँग्रेसने लाखो करोडोंचे घोटाळे केले -शाह
अमित शाह काँग्रेसला लक्ष्य करताना म्हणाले, "प्रत्येक ठिकाणी काँग्रेसने घोटाळे केले आणि इंडिया अलायन्सचं नेतृत्व काँग्रेसच्या हातात आहे. मी जनतेला विचारू इच्छितो की, कोणत्या प्रकारची क्षमता? एकीकडे लाखो-करोडो रुपयांचे घोटाळे करणारी काँग्रेस आहे, तर दुसरीकडे 23 वर्षांपासून राज्य सरकार आणि केंद्र सरकारचे नेतृत्व करूनही आमचे विरोधकही एका रुपयाचा आरोप करू शकले नाही. असं नेतृत्व नरेंद्र मोदींचं आहे."
"देशातील जनतेने हे ठरवायचं आहे की देशाचं भविष्य भ्रष्टाचाऱ्यांच्या हातात सोपवायचं आहे की, प्रामाणिक व्यक्ती ज्याच्यावर शत्रूही आरोप शकत अशा नरेंद्र मोदींवर सोपवायचं आहे?", असा सवाल अमित शाह यांनी केला.
