Anil Deshmukh : "...तर आदित्य ठाकरेंना तुरुंगात टाकलं असतं"
Anil Deshmukh Samit Kadam : राज्याचे माजी गृहमंत्री अनिल देशमुख यांनी देवेंद्र फडणवीस आणि समित कदमचे फोटो दाखवत राजकीय वर्तुळात खळबळ उडवून देणारे गौप्यस्फोट केले आहेत.
ADVERTISEMENT
बातम्या हायलाइट
अनिल देशमुख-देवेंद्र फडणवीस यांच्यात आरोप-प्रत्यारोप
फडणवीसांवर देशमुखांचा गंभीर आरोप
समित कदम यांच्याबद्दल काय बोलले देशमुख?
Anil Deshmukh : देवेंद्र फडणवीस यांनी काही प्रतिज्ञापत्रे मला पाठवली होती. उद्धव ठाकरे, आदित्य ठाकरे, अजित पवारांचे सुपुत्र पार्थ पवार यांना अडकवण्याचा त्यांचा प्रयत्न होता. हे प्रतिज्ञापत्र समित कदम घेऊन आले होते, असा आरोप माजी गृहमंत्री अनिल देशमुख यांनी केला आहे. अनिल देशमुख यांनी समित कदम आणि देवेंद्र फडणवीस यांचे फोटो आज दाखवले. त्यानंतर त्यांनी काही खळबळजनक दावे केले. (Anil Deshmukh has made serious allegations against Devendra Fadnavis that there was an attempt to put Aditya Thackeray in jail)
"तीन वर्षांपूर्वी जेव्हा देवेंद्र फडणवीसांनी माझ्याकडे मिरजचे समित कदम यांना पाच-सहा वेळा पाठवले होते. एकदा तो माझ्याकडे बंद लिफाफा घेऊन आला. मला सांगितलं की, 'याचं तुम्ही प्रतिज्ञापत्र करून द्या.' त्या प्रतिज्ञापत्रात लिहिलेलं होतं की, उद्धव ठाकरे, आदित्य ठाकरे, अजित पवार आणि अनेक नेत्यांवर मी खोटे आरोप करायचे. त्या खोट्या आरोपाचे मी प्रतिज्ञापत्र करून द्यायचं."
समित कदम-देवेंद्र फडणवीसांचे जवळचे संबंध -देशमुख
"तो आणणारा माणूस जो होता, तो समित कदम. त्याचे आणि देवेंद्र फडणवीस यांचे अत्यंत जवळचे संबंध आहेत. घरगुती संबंध आहेत. त्याची पत्नी देवेंद्र फडणवीस यांना राखी बांधतानाचे सुद्धा फोटो आहेत", असा दावा करत देशमुखांनी फोटो दाखवले.
हेही वाचा >> केतकी चितळेचा यशश्रीच्या हत्येनंतर व्हिडीओ, पोलिसांवर गंभीर आरोप
"समित कदम हा साधारण कार्यकर्ता आहे. तो नगरसेवक सुद्धा नाही. देवेंद्र फडणवीस यांनी त्याला वाय दर्जाची सुरक्षा दिली. इतक्या कोणत्या कामाचा माणूस आहे की, सरकारने त्याला वाय सुरक्षा दिली?", असा सवाल देशमुख यांनी केला आहे.
हे वाचलं का?
