‘बायको आत्महत्या करेल सांगून शिंदेंकडून घेतलं मंत्रिपद’, भरत गोगावलेंनी टाकला बॉम्ब

‘छत्रपती शिवाजी महाराजांनी ज्याप्रमाणे मावळ्यांच्या साथीने स्वराज्याची स्थापना केली. त्याचप्रमाणे मुख्यमंत्री एकनाथ शिंदे हे आमच्या जिवावर मुख्यमंत्री झाले आहेत’, असं सांगत आमदार भरत गोगावले यांनी शिंदेंनाच घरचा आहे दिला आहे.

वाचा >> Kalyan Crime: आईसमोरच सपासप वार…! तरुणीने रक्ताच्या थारोळ्यात सोडला जीव

भरत गोगावलेंचं चर्चेचा विषय ठरलेलं भाषण आहे अलिबागमधील. अलिबाग तालुक्यातील खानाव येथील काँग्रेसचे जिल्हा उपाध्यक्ष अनंत गोंधळी यांनी 16 ऑगस्ट रोजी एकनाथ शिंदे यांच्या शिवसेनेत प्रवेश केला. यावेळी आमदार भरत गोगावले आणि आमदार महेंद्र दळवी उपस्थित होते.

शिंदेंवर दबाव, आमदार भरत गोगावलेंचं ते विधान काय?

या पक्षप्रवेश कार्यक्रमात बोलताना भरत गोगावलेंनी त्यांचं मंत्रिपद कसं हुकलं याचा किस्सा सांगितला. शिंदे मुख्यमंत्री झाल्यावर त्यांच्या गटातील काही आमदारांनी एकनाथ शिंदेंवर दबाव टाकून मंत्रिपद घेतली, असा स्फोटक दावा भरत गोगावले यांनी केला आहे.