महाराष्ट्रात BJP चा सेफ गेम! बड्या नेत्यांना उमेदवारी देऊन कसा साधणार डाव?
BJP candidate list : भाजपने (BJP) जाहीर केलेल्या उमेदवारांच्या दुसऱ्या यादीत महाराष्ट्रातील (Maharashtra) 20 जागांचाही समावेश आहे. बुधवारी (13 मार्च) जाहीर झालेल्या यादीत पक्षाने केंद्रीय मंत्री नितीन गडकरी, पियुष गोयल, माजी राज्यमंत्री पंकजा मुंडे यांच्या नावांची घोषणा केली आहे.
ADVERTISEMENT
BJP candidate list : भाजपने (BJP) जाहीर केलेल्या उमेदवारांच्या दुसऱ्या यादीत महाराष्ट्रातील (Maharashtra) 20 जागांचाही समावेश आहे. बुधवारी (13 मार्च) जाहीर झालेल्या यादीत पक्षाने केंद्रीय मंत्री नितीन गडकरी, पियुष गोयल, माजी राज्यमंत्री पंकजा मुंडे यांच्या नावांची घोषणा केली आहे. महाराष्ट्रातील लोकसभेच्या 48 पैकी 20 जागांसाठी उमेदवारांची नावे जाहीर करत भाजपने पुन्हा एकदा नितीन गडकरी यांना नागपूर मतदारसंघातून उमेदवारी दिली आहे. राज्यात भाजपने सेफ गेम खेळला आहे असं म्हटलं जात आहे.
केंद्रीय वाणिज्यमंत्री पियुष गोयल यांना मुंबई उत्तरमधून तर पंकजा मुंडे यांना बीडमधून उमेदवारी देण्यात आली आहे. या दोघांसह भाजपने या यादीत एकूण 8 नवीन चेहऱ्यांचा समावेश केला आहे. पंकजा यांना त्यांची धाकटी बहीण आणि विद्यमान खासदार प्रीतम मुंडे यांच्या जागी तिकीट देण्यात आले आहे. पक्षाने 2019 मध्ये जिंकलेल्या जागांपैकी आणखी तीन जागांसाठी उमेदवारांची नावे अद्याप जाहीर केलेली नाहीत. उत्तर मध्यमधून पूनम महाजन यांचे नाव अद्याप निश्चित झालेले नाही. तर भंडारा, गोंदिया आणि सोलापूरच्या जागा अद्याप जाहीर झालेल्या नाहीत.
भाजपच्या पहिल्या यादीत गडकरींचे नाव नव्हते, त्यानंतर शिवसेना (UBT) पक्षप्रमुख उद्धव ठाकरे यांनी त्यांना विरोधी उमेदवार म्हणून निवडणूक लढवण्याची खुली ऑफर दिली होती. मात्र भाजपने दुसऱ्या यादीत गडकरींचे नाव जाहीर केले आहे.
हे वाचलं का?
ADVERTISEMENT
या यादीतील आणखी एक नवा चेहरा म्हणजे राज्याचे वनमंत्री सुधीर मुनगंटीवार चंद्रपूरमधून निवडणूक लढवतील. याशिवाय महाराष्ट्रातील सर्व केंद्रीय मंत्र्यांना पुन्हा तिकीट देण्यात आले आहे. जळगावचे लोकसभा सदस्य उन्मेष पाटील यांच्या जागी पक्षाने स्थानिक नेत्या स्मिता वाघ यांना उमेदवारी दिली आहे. या यादीत अनुप धोत्रे यांनी त्यांचे वडील आणि अकोल्याचे विद्यमान खासदार संजय धोत्रे यांची जागा घेतली आहे.
पुण्यातून पक्षाने माजी महापौर मुरलीधर मोहोळ यांना उमेदवारी दिली आहे. भाजपचे विद्यमान खासदार गिरीश बापट यांच्या निधनानंतर ही जागा रिक्त झाली होती. विद्यमान खासदार मनोज कोटक यांच्या जागी उत्तर-पूर्व मुंबईतून आमदार मिहिर कोटेचा यांना उमेदवारी देण्यात आली आहे.
ADVERTISEMENT
लोकसभा निवडणुकीसाठी भाजपकडून उमेदवारांची दुसरी यादी; कोणाला कुठून मिळाली संधी?
- हिना विजयकुमार गावित- नंदुरबार
- सुभाष रामराव भामरे- धुळे
- स्मिता वाघ- जळगाव
- रक्षा निखिल खडसे- रावेर
- अनुप धोत्रे- अकोला
- रामदास चंद्रभानजी तडस- वर्धा
- नितीन गडकरी- नागपूर
- सुधीर मुनगटीवार- चंद्रपूर
- प्रतापराव पाटील चिखलीकर- नांदेड
- रावसाहेब दादाराव दानवे- जालना
- भारती प्रवीण पवार- दिंडोरी
- कपिल मोरेश्वर पाटील- भिवंडी
- पीयूष गोयल- मुंबई उत्तर
- मिहीर कोटेचा- इशान्य मुंबई
- मुरलीधर मोहोळ- पुणे
- सुजय राधाकृष्ण विखे पाटील- अहमदनगर
- पंकजा मुंडे- बीड
- सुधाकर तुकाराम श्रृंगारे- लातूर
- रणजित नाईक निंबाळकर- माढा
- संजय काका पाटील- सांगली
2019 मध्ये भाजपने लढवली होती 25 जागांवर निवडणूक!
महाराष्ट्रात भाजपने 2019 मध्ये 25 जागांवर निवडणूक लढवली होती आणि 23 जिंकल्या होत्या. 2019 मध्ये पक्षाने लढलेली बारामतीची जागा यापूर्वीच आघाडीचा भाग म्हणून राष्ट्रवादीला देण्यात आली आहे. येथे अजित पवार यांनी पत्नी सुनेत्रा यांच्या नावाची घोषणा केली आहे. गेल्यावेळी भाजपने ज्या २५ जागांवर निवडणूक लढवली होती, त्यापैकी २० जागांची घोषणा झाली आहे. भाजपने 23 जागा जिंकल्या होत्या, त्यापैकी 3 जागांची घोषणा अद्याप झालेली नाही.
ADVERTISEMENT
यासह भाजपने 20 तर राष्ट्रवादीने एका जागेसाठी महायुतीचे उमेदवार जाहीर केले आहेत. 48 जागांपैकी 27 जागांची घोषणा होणे बाकी आहे. सध्या शिंदेंची शिवसेना, अजित पवारांची राष्ट्रवादी आणि भाजपमध्ये जागावाटपाची चर्चा सुरू आहे. या 27 जागांपैकी शिंदे किमान 13 जागांची मागणी करत आहेत. तर भाजप किमान 8 जागा मागत आहे.
ADVERTISEMENT