Lok Sabha 2024 election : ठाकरेंना मुंबईतील’या’ दोन जागा सोडाव्या लागणार?
Lok Sabha Election : मुंबईत लोकसभेच्या सहा जागा आहेत. यातील ज्या जागा 2019 शिवसेनेने जिंकल्या होत्या, त्याच आता काँग्रेसने मागितल्या आहेत.
ADVERTISEMENT
Maha Vikas Aghadi Lok Sabha Seat Sharing : महाविकास आघाडीतील लोकसभेच्या जागावाटपाचा तिढा दिल्लीत गेल्यानंतरच सुटेल, असेच दिसत आहे. कारण मुंबईत झालेल्या बैठकीत जागावाटपाचा तिढा सुटलेला नाही. मुंबईतील दोन मतदारसंघासाठी काँग्रेस आग्रही आहे. या दोन्ही मतदारसंघात 2019 मध्ये शिवसेनेचे उमेदवार निवडून आले होते. त्यामुळे आता ठाकरे हे मतदारसंघ सोडणार का? हा महत्त्वाचा प्रश्न आहे.
महाराष्ट्रातील 48 लोकसभा मतदारसंघापैकी कोणते मतदारसंघ कोणत्या पक्षाकडे जाणार याकडे सगळ्यांचंच लक्ष आहे. यासंदर्भात महायुतीत पडद्याआड खलबतं सुरू आहेत. तर महाविकास आघाडीच्याही बैठका सुरू आहेत.
महाविकास आघाडीतील काँग्रेस, शिवसेना (उद्धव बाळासाहेब ठाकरे) आणि राष्ट्रवादी काँग्रेस (शरद पवार) या प्रमुख पक्षांच्या नेत्यांच्या बैठका सुरू आहेत. मुंबईत 30 जानेवारी रोजी मविआच्या नेत्यांची बैठक झाली, पण काही जागांवरून कोणताही निर्णय झाला नाही.
काँग्रेसला हव्यात मुंबईतील दोन जागा
महाविकास आघाडीचं बहुतांश जागांवर एकमत झालं असलं, तरी काही लोकसभा मतदारसंघासाठी तिन्ही पक्ष आग्रही आहेत. यात मुंबईतील दोन लोकसभा मतदारसंघाचा समावेश आहे.
हे वाचलं का?
