विधान परिषद निवडणूक: BJP कडून रात्री उशिरा 11 उमेदवारांची यादी जाहीर, पाचव्या नाव तर अनेकांना आश्चर्याचा धक्का देणारं!
भाजपने महाराष्ट्र विधानपरिषद निवडणुकीसाठी 11 उमेदवारांची यादी जाहीर केली आहे. ज्यामध्ये नुकतेच भाजपमध्ये आलेल्या प्राजक्त तनपुरेंना थेट अहिल्यानगरमधून उमेदवारी देण्यात आली आहे.
ADVERTISEMENT
मुंबई: आगामी स्थानिक स्वराज्य संस्था मतदारसंघातील महाराष्ट्र विधानपरिषद निवडणुकीसाठी भाजपने अखेर 11 उमेदवारांची पूर्ण यादी जाहीर केली आहे. यामध्ये नुकताच राष्ट्रवादी काँग्रेस (शरद पवार गट) सोडून भाजपमध्ये प्रवेश केलेल्या माजी राज्यमंत्री प्राजक्त तनपुरे यांना अहिल्यानगर मतदारसंघातून उमेदवारी देण्यात आली आहे. पक्षाने महायुतीतील जागा वाटपानुसार ही यादी अंतिम केली असून, विदर्भ, मराठवाडा, पश्चिम महाराष्ट्र आणि मराठवाड्यातील प्रमुख नेत्यांना संधी दिली आहे.
भाजपच्या 11 उमेदवारांची संपूर्ण यादी (मतदारसंघानुसार)
वर्धा-चंद्रपूर-गडचिरोली : अरुण लखाणी (सुप्रिया सुळे यांचे व्याही, भाजप सह-कोषाध्यक्ष)
भंडारा-गोंदिया : अविनाश ब्राह्मणकर
अमरावती : प्रवीण पोटे पाटील
सांगली-सातारा : धैर्यशील कदम
सोलापूर : राजेंद्र राऊत
अहिल्यानगर : प्राजक्त तनपुरे
छ. संभाजीनगर-जालना : सुहास शिरसाट
नांदेड : अमर राजूरकर
धाराशिव-बीड-लातूर : बसवराज पाटील
जळगाव : नंदकिशोर महाजन
नागपूर : डॉ. राजीव पोतदार
प्राजक्त तनपुरे यांचा प्रवेश आणि उमेदवारी
