Maratha Reservation: 'जरांगे महाराष्ट्राच्या CM, DCM यांना देतात आईवरून शिव्या..', भुजबळ नेमकं काय म्हणाले?
Chhagan Bhujbal vs Manoj Jarange: मराठा आरक्षण विधेयक मंजूर झाल्यानंतर विधानसभेत बोलताना मंत्री छगन भुजबळ हे मनोज जरांगे यांच्यावर बरेच संतापले. पाहा नेमकं काय म्हणाले भुजबळ.
ADVERTISEMENT
बातम्या हायलाइट
मराठा आरक्षण विधेयक मंजूर
छगन भुजबळ जरांगेवर संतापले
जरांगे मुख्यमंत्री-उपमुख्यमंत्र्यांना शिवीगाळ करत असल्याचा केला आरोप
Chhagan Bhujbal Criticism Manoj Jarange: मुंबई: मराठा आरक्षणासाठी (Maratha Reservation) राज्य सरकारने आज (20 फेब्रुवारी) एक विशेष अधिवेशन बोलावलं होतं. राज्य सरकारच्या वतीने मुख्यमंत्री एकनाथ शिंदे (CM Eknath Shinde) यांनी मराठा समाजाला 10 टक्के शैक्षणिक आणि नोकरीत आरक्षण देणारे विधेयक विधानसभेत मांडले. त्यानंतर आरक्षणाबाबतचं विधेयक हे एकमताने मंजूर करण्यात आलं. मात्र, त्यानंतर बोलताना कॅबिनेट मंत्री छगन भुजबळ (Chhagan Bhujbal) यांनी मनोज जरांगे-पाटील (Manoj Jarange) यांच्याविरोधात प्रचंड संताप व्यक्त केला. (manoj jarange used abusing words to maharashtra cm dcm chhagan bhujbal expressed his anger in the assembly maratha reservation vidhansabha)
'छत्रपती शिवरायांच्या पुतळ्याखाली बसून महाराष्ट्राच्या मुख्यमंत्र्यांना, उपमुख्यमंत्र्यांना.. आणि आम्हाल तर नेहमीच देतात.. अहो आईवरून शिव्या..' असं म्हणत छगन भुजबळ यांनी पुन्हा एकदा मनोज जरांगे पाटील यांना टार्गेट केलं.
मराठा आरक्षण विधेयक मंजूर झाल्यावर, भुजबळ मनोज जरांगेंवर बरसले!
'आज मराठा समाजाला आरक्षण देण्याचा ठराव मंजूर झाला. त्याबद्दल मला विरोध करायचा नाही. किंबहुना आम्ही सांगतच होतो की, वेगळं आरक्षण द्या, वेगळं आरक्षण द्या.. पण ज्या जरांगेचा उल्लेख माननीय मुख्यमंत्र्यांनी केला ते सतत धमक्या देतात. याला टपकवीन, त्याला टपकवीन.. मला स्वत:ला धमकी.'
'एवढंच नाही तर छत्रपती शिवरायांच्या पुतळ्याखाली बसून महाराष्ट्राच्या मुख्यमंत्र्यांना, उपमुख्यमंत्र्यांना.. आणि आम्हाल तर नेहमीच देतात.. अहो आईवरून शिव्या.. तिथे बसलेले होते महसूल आयुक्त, एसपी, कलेक्टर त्यांना तर म्हणतात तुम्ही भा$@# आहात.. त्यांना देखील आईवरून शिव्या.'
'ही जी काही दादागिरी सुरू आहे.. याला काही नियंत्रित करणार आहात की नाही? काही कारण नव्हतं.. 27 तारखेलाच सांगितलं होतं, त्यांनी गुलाल उधळला, फटाके वाजवले.. आणि परत 10 तारखेला उपोषणाला बसले. अनेक शहरात बस गाड्या फोडल्या.'
हे वाचलं का?
