'काका-पुतण्याचं नातं काँग्रेसला धार्जिण', जयंत पाटलांचा नेमका निशाणा कोणाकडे...

नातं तोडू नये

'राजकारणात कसंही वागलं तरी चालतं  मात्र कोणतंही व्यक्तिगत नातं तोडू नये' अशी खोचक प्रतिक्रिया जयंत पाटील यांनी यावेळी दिली. गेल्या काही दिवसांपासून शरद पवार आणि अजित पवार यांच्या राजकीय वादामुळे राज्यातील वातावरण ढवळून निघाले आहे. त्यावरूनच जयंत पाटील यांनी त्यांच्यावर निशाणा साधला आहे. 

देशमुखांचे संबंध मधूर

आमदार जयंत पाटील यांनी बोलताना सांगितले की, 'काँग्रेसचं बरय काका-पुतण्याचं नातं काँग्रेसला धार्जिण दिसतं. विलासराव देशमुख यांचे बंधू दिलीपराव देशमुख हे उत्तम प्रकारे नेतृत्व करतात पण त्यांचे आणि अमित देशमुखांचे संबंध मधूर आहेत. शेवटी व्यक्तिगत नातं टिकवताना राजकारणात कोणी कसंही वागलं तरी चालतं पण व्यक्तिगत नातं तोडण्याची भूमिका राजकारणात घेता कामा नये.' असं मत व्यक्त करत त्यांनी काका पुतण्याच्या नात्यावर टिप्पणी केली. 

देशमुखांमध्ये अविश्वास नाही

जयंत पाटील यांच्यानंतर काँग्रेसच्या नाना पटोले यांनीही पवार कुटुंबीयांवर निशाणा साधला. पटोले यांनी बोलताना म्हणाले की,'
आजच्या राजकारणातील फरक जयंतराव पाटील यांनी मांडला. त्यांनी काका-पुतण्याचं उदाहरण मांडलं. मात्र ज्या परिवारात अविश्वास असेल तिथं काका पुतण्याचं भांडण होणार. मात्र देशमुख परिवारात अविश्वासच नव्हता. त्यांच्यामध्ये विश्वासच होता, त्यामुळे गडबड होण्याचं कारण नाही असं म्हणत त्यांनी राष्ट्रवादी काँग्रेसला जोरदार टोला लगावला आहे. 

राजकीय वाद

नाना पटोले आणि जयंत पाटील यांच्या काका पुतण्याच्या टीका टिप्पणीनंतर राजकीय वाद पुन्हा उफाळून येण्याची शक्यताही असल्याचं  मतही व्यक्त केलं जात आहे.

हे ही वाचा >> Narendra Modi: 'देशाच्या विकासासाठी महिलांसाठी विशेष योजना आणल्या'