'दुबे तुम मुंबई आओ.. तुझे समंदर में दुबे, दुबेकर मारेंगे...', भर सभेत राज ठाकरेंचा खासदार दुबेंवर ठाकरी प्रहार!
Raj Thackeray vs BJP MP Nishikant Dubey: मनसे अध्यक्ष राज ठाकरे यांनी मिरारोड येथील जाहीर सभेतून भाजप खासदार निशिकांत दुबे यांच्यावर जोरदार टीका करत त्यांना थेट आव्हान दिलं आहे. जाणून घ्या राज ठाकरे नेमकं काय म्हणाले.
ADVERTISEMENT
मिरारोड: हिंदी भाषा सक्तीच्या मुद्द्यावर मनसे अध्यक्ष राज ठाकरे हे अत्यंत आक्रमक झाल्याचं सध्या पाहायला मिळतंय. आज (18 जुलै) मिरारोड येथे आयोजित सभेत बोलताना राज ठाकरेंनी आधी भाजप सरकारवर जोरदार टीका केली आणि नंतर भाजप खासदार निशिकांत दुबे यांचा खरपूस आणि ठाकरी शैलीत समाचार घेतला. (raj thackeray criticized bjp mp nishikant dubey at a public meeting in mira road challenged him to come to mumbai)
'राज ठाकरे तुम्ही उत्तर प्रदेश, बिहारमध्ये या.. तुम्हाला (पटक.. पटक के मारेंगे) आपटून-आपटून मारू.' असं म्हणत निशिकांत दुबेने राज ठाकरेंना डिवचलं होतं. ज्यानंतर आजच्या मिरारोड येथील सभेत राज ठाकरेंनी निशिकांत दुबेंना अत्यंत आक्रमक शैलीत खडे बोल सुनावले.
हे ही वाचा>> 'फडणवीसजी हिंदी आणायचा प्रयत्न तर करून बघा, फक्त दुकानं नाही... ', राज ठाकरेंचं खुलं आव्हान
'दुबेलाच मी सांगतो... दुबे तुम मुंबई मे आ जाओ.. मुंबई के समुंदर में दुबे.. दुबेकर मारेंगे..' अशा मश्किल शैलीत राज ठाकरेंनी निशिकांत दुबेंना खुलं आव्हान दिलं.
पाहा राज ठाकरे नेमकं काय म्हणाले..
'सव्वाशे वर्ष या मराठेशाहीने जे राज्य केलं ज्याला आपण म्हणतो ना.. अटकेपार झेंडे फडकवले. आजही मला असं वाटतं की, पाकिस्तानाच्या वायव्येला की नैऋत्येला अटक नावाचा किल्ला आहे. त्या किल्ल्यावर भगवा ध्वज फडकला. त्या अटकेपार झेंडे फडकवले आम्ही.. तिथपर्यंत पोहचले होते मराठे.'
हे वाचलं का?
