'...तर धनंजय मुंडेंही आत जाऊ शकतात', वाल्मिक कराडच्या अटकेनंतर सुरेश धसांच्या वक्तव्याने खळबळ
Walmik Karad Arrest: जर चौकशीत धनंजय मुंडे यांचं नाव समोर आलं तर देखील तुरुंगात जाऊ शकतात. असं मोठं विधान भाजप आमदार सुरेश धस यांनी केलं आहे.
ADVERTISEMENT
बातम्या हायलाइट
वाल्मिक कराड अखेर आला पोलिसांना शरण
धनंजय मुंडे हे देखील तुरूंगात जाऊ शकतात, सुरेश धसांचं मोठं विधान
पाहा धनंजय मुंडेंच्या राजीनाम्याबाबत सुरेश धस काय म्हणाले
Dhananjay Munde in Trouble: मुंबई: बीडमधील मस्साजोगचे सरपंच संतोष देशमुख यांच्या हत्येनंतर मंत्री धनंजय मुंडे यांचे निकटवर्तीय असलेल्या वाल्मिक कराड हे आता पोलिसांना शरण आले आहेत. पण त्यानंतर या संपूर्ण प्रकरणी आवाज उठवणाऱ्या भाजप आमदार सुरेश धस यांनी आता एक खळबळ उडवून देणारं विधान केलं आहे. (santosh deshmukh murder case dhananjay munde can also go to jail suresh dhas statement after walmik karad arrest)
'मी आकांचे आका (धनंजय मुंडे) यांच्या अटकेची मागणी केलेली नाही. चौकशीत जर त्यांचं नाव समोर आलं तर आकांचे आकाही आत येऊ शकतात.' असं विधान करत सुरेश धस यांनी आता या प्रकरणी मोठं वक्तव्य केलं आहे.
वाल्मिक कराड पोलिसांना शरण, सुरेश धसांचं मोठं विधान...
'या राज्याचे कर्तव्यदक्ष मुख्यमंत्री देवेंद्र फडणवीस यांनी घेतलेल्या अॅक्शनमुळे दाखवलेल्या तत्परतेमुळे शेवटी सीआयडीच्या समोर वाल्मिक कराडला शरण यावं लागलं आहे. प्रथमत: मी राज्याच्या मुख्यमंत्र्यांनी घेतलेल्या निर्णयाचे आभार मानतो.' असं धस यावेळी म्हणाले.
'वाल्मिक कराडची संपत्ती जप्त झालीच पाहिजे, अन्यथा...'
'आता त्यांची संपत्ती जप्त करण्याबाबत सीआयडीने कोर्टाकडे परवानगी मागितली आहे. ही न्यायालयीन बाब आहे. त्यामुळे मी त्यावर फार बोलू इच्छित नाही. पण लवकरात लवकर त्यांच्या संपत्ती या जप्त झाल्या पाहिजे. संपत्ती जप्त झाल्याशिवाय अन्य गुन्हे जे हे आका करत होते ते उघडे पडणार नाही. यांच्या संपत्ती जप्त झालीच पाहिजे अन्यथा आम्हाला दुसरा मार्ग अवलंबवा लागतो की काय? असं या ठिकाणी मला म्हणायचं आहे.'
हे वाचलं का?
