Sindhudurga: शिवाजी महाराजांच्या नव्या पुतळ्यासाठी शिंदे सरकारचा नवा जीआर जसाच्या तसा..
Chhatrapati Shivaji Maharaj: सिंधुदुर्गमधील राजकोट किल्ल्यावर नव्याने शिवाजी महाराजांचा पुतळा उभारण्यात येणार आहे. त्यासंबंधी एक अत्यंत महत्त्वाचा जीआर शिंदे सरकारने आता जारी केला आहे.
ADVERTISEMENT
बातम्या हायलाइट
सिंधुदुर्गमधील राजकोट किल्ल्यावर शिवाजी महाराजांचा नव्याने पुतळा उभारण्यात येणार
नव्याने पुतळा उभारणीसाठी एक समिती गठीत
नव्या समितीबाबत शिंदे सरकारकडून जीआर जारी
मुंबई: किल्ले राजकोट येथील छत्रपती शिवाजी महाराज यांचा पुतळा कोसळल्यानंतर आता त्याच ठिकाणी नव्याने पुतळा उभारण्यात येणार आहे. ज्यासाठी दोनच दिवसांपूर्वी मुख्यमंत्री एकनाथ शिंदेंनी एक उच्चस्तरीय बैठकही घेतली होती. ज्यामध्ये एक समिती गठीत करण्याचा निर्णय घेण्यात आला होता. त्यानुसार आता नवी समिती गठीत करण्यात आली असून शिंदे सरकारने त्याचा जीआर देखील तात्काळ जारी केला आहे. (sindhudurga shinde government new gr for chhatrapati shivaji maharaj new statue on rajkot fort)
शिवाजी महाराजांचा नवा पुतळा उभारण्यासाठी जी समिती गठीत करण्यात आली आहे त्याच्या अध्यक्षपदी सार्वजनिक बांधकाम विभागाच्या अप्पर मुख्य सचिव मनीषा म्हैसकर यांची नियुक्ती करण्यात आली आहे. तर इतिहासकार जयसिंगराव पवार हे समितीत विशेष निमंत्रित सदस्य असणार आहेत.
याशिवाय या समितीत IIT मुंबईतील तज्ज्ञ प्राध्यापक अभियंत्यांचा देखीस समावेश करण्यात आला आहे. पुतळा नव्याने उभारण्याच्या कामाची संकल्पना आणि कार्यपद्धती याच्या निश्चितीसाठी राज्य शासनाकडून ही समिती गठीत करण्यात आली आहे. ज्याचा अधिकृत जीआर हा आता राज्य सरकारकडून जारी करण्यात आला आहे.
'तो' जीआर जसाच्या तसा..
किल्ले राजकोट तालुका मालवण, जि. सिंधूदुर्ग येथे छत्रपती शिवाजी महाराजांचा पुतळा नव्याने उभारण्याबाबत वाव, संकल्पना, कार्यपध्दती निश्चित करणे समिती गठीत करण्याबाबत....
हे वाचलं का?
