' आज अभिषेकची खूप आठवण येतीये..', तेजस्वी घोसाळकरांच्या डोळ्यात अश्रू तरळले
Tejasvi Ghosalkar on Mumbai Mahapalika Election : “आज अभिषेकची खूप आठवण येत आहे. तो असताना सगळं वेगळं वाटायचं. सगळ्या गोष्टी तोच हँडल करायचा. आज त्याची खूप उणीव भासत आहे.”, अशी प्रतिक्रिया भाजप उमेदवार तेजस्वी घोसाळकर यांनी दिलीये.
ADVERTISEMENT
बातम्या हायलाइट
' आज अभिषेकची खूप आठवण येतीये..',
तेजस्वी घोसाळकरांच्या डोळ्यात अश्रू तरळले
Tejasvi Ghosalkar on Mumbai Mahapalika Election : मुंबईसह राज्यातील 29 महानगरपालिकांसाठी आज (दि.15) मतदान प्रक्रिया पार पडत आहे. अनेक ठिकाणी ईव्हिएम मशीन सुरु होत नाहीयेत. काही ठिकाणी गोंधळ पाहायला मिळतोय. दरम्यान, काही उमेदवारांनी आपल्या मतदानाचा हक्क देखील बजवला आहे. मुंबई महानगरपालिकेतील वॉर्ड क्रमांक 2 मधून निवडणूक लढवत असलेल्या भाजप उमेदवार तेजस्वी घोसाळकर यांनी मतदानाच्या दिवशी प्रतिक्रिया दिलीये. त्या अतिशय भावुक झाल्याचे पाहायला मिळाले. अभिषेक घोसाळकरांची आठवण काढताना त्यांच्या डोळ्यात अश्रू तरळले.
हेही वाचा : मुंबईतील 227 वॉर्डातील उमेदवारांची संपूर्ण यादी, मतदानाला जाण्याआधी नक्की पाहून जा!
प्रसारमाध्यमांशी संवाद साधताना तेजस्वी घोसाळकर म्हणाल्या, “आज अभिषेकची खूप आठवण येत आहे. तो असताना सगळं वेगळं वाटायचं. सगळ्या गोष्टी तोच हँडल करायचा. आज त्याची खूप उणीव भासत आहे.” पुढे बोलताना त्यांनी कुटुंब आणि राजकारण याबाबत भूमिका स्पष्ट केली. “कुटुंब आणि राजकारण वेगळं आहे. आशीर्वाद माझ्यासोबत असतील, मात्र आमचे विचार वेगळे आहेत,” असे त्या म्हणाल्या.
यावेळी सासूबाईंविषयी बोलताना त्या अधिक भावूक झाल्या. “माझ्या सासू माझ्यासाठी आईच आहेत. त्या अभिषेकला मिस करत आहेत आणि मी देखील त्याला खूप मिस करत आहे,” असे त्या म्हणाल्या. आपल्या कामावर आणि जनतेवर विश्वास व्यक्त करताना तेजस्वी घोसाळकर म्हणाल्या, “अभिषेक आणि मी केलेल्या कामासाठी लोक नक्कीच मतदान करतील. माझा विजय निश्चित आहे.”
हे वाचलं का?
