पार्थ पवारांची होणारी पत्नी कायनात दाराचं करिअर चर्चेत, कारकीर्द पाहून व्हाल थक्क!
who is kaiynaat dara: पार्थ पवार यांच्यासोबत साखरपुडा होणार असलेल्या कायनात दारा यांची शैक्षणिक आणि व्यावसायिक वाटचाल चर्चेत आली आहे. दिल्लीत वास्तव्यास असलेल्या कायनात यांनी पत्रकारिता आणि मार्केटिंग क्षेत्रात विविध जबाबदाऱ्या सांभाळल्या आहेत.
ADVERTISEMENT
बातम्या हायलाइट
पार्थ पवारांची होणारी पत्नी कायनात दाराचं करिअर चर्चेत
कारकीर्द पाहून व्हाल थक्क!
who is kaiynaat dara : राज्याचे दिवंगत नेते आणि माजी उपमुख्यमंत्री अजित पवार यांचे चिरंजीव पार्थ पवार यांच्या विवाहाची चर्चा सध्या सोशल मीडियावर रंगली आहे. पार्थ पवार यांचा साखरपुडा 29 जुलै 2026 रोजी होणार असून, आमदार रोहित पवार यांनी सोशल मीडियावर पत्रिका शेअर करत पार्थ आणि कायनात दारा या दोघांनाही शुभेच्छा दिल्या आहेत. "प्रेमाच्या रेशीमगाठीत अडकून नवी इनिंग सुरू करणारे माझे प्रिय बंधू पार्थ आणि कायनात या दोघांनाही साखरपुड्याच्या मनापासून शुभेच्छा," असे म्हणत त्यांनी त्यांच्या सुखी आणि समृद्ध वैवाहिक आयुष्यासाठी शुभेच्छा व्यक्त केल्या. या पार्श्वभूमीवर पार्थ पवार यांची होणारी पत्नी कायनात दारा यांची शैक्षणिक आणि व्यावसायिक कारकीर्दही चर्चेचा विषय ठरली आहे.
हेही वाचा : जेजुरी अपघातातील मृत वारकऱ्यांच्या कुटुंबीयांना प्रत्येकी 5 लाखांची मदत; मुख्यमंत्र्यांची घोषणा
कोण आहेत कायनात दारा? ( who is kaiynaat dara)
कायनात दारा या मूळच्या काश्मीरच्या असून सध्या त्या दिल्लीत वास्तव्यास आहेत. गेल्या काही काळात त्या पार्थ पवार यांच्यासोबत अनेकदा सार्वजनिक कार्यक्रमांमध्ये दिसून आल्या आहेत. काही महिन्यांपूर्वी मध्य प्रदेशातील महाकाल मंदिरात पार्थ पवार आणि कायनात दारा यांनी एकत्र दर्शन घेतल्याचे फोटो सोशल मीडियावर मोठ्या प्रमाणात व्हायरल झाले होते. तसेच पवार कुटुंबाच्या कठीण काळातही त्या कुटुंबासोबत उभ्या राहिल्या. अजित पवार यांच्या निधनानंतर त्या बारामती येथे सांत्वनासाठी पोहोचल्या होत्या. मुंबईतील वरळी येथे आयोजित शोकसभा आणि दशक्रिया विधीलाही त्यांनी उपस्थिती लावली होती.
हेही वाचा : 'सेव्हन स्टारमध्ये नेते आणि चेलेच.., ही सेवा नाही तर मेवा' राजदीप सरदेसाईंनी केली पोलखोल!
