Sharad Pawar Meets Ajit Pawar : पवार काका-पुतण्याची भेट वेगळ्याचं कारणासाठी
शरद पवार आणि अजित पवार यांच्यात गुप्त भेट : शरद पवार यांनी अजित पवार यांची भेट घेण्यामागे वेगळेच कारण समोर आले आहे. ही भेट शरद पवारांच्या हितचिंतकांनी घडवून आणली.
ADVERTISEMENT
Ajit Pawar Meet Sharad Pawar News : राष्ट्रवादी काँग्रेसमध्ये दोन गट पडले, पण त्यावर अजूनही अविश्वास व्यक्त होतोय. त्याचं कारण म्हणजे अजित पवार-शरद पवारांच्या भेटी. 12 ऑगस्ट रोजी पवार काका-पुतण्या उद्योजक अतुल चोरडियांच्या घरी भेटले. ही भेट अजित पवारांनी शरद पवारांची मनधरणी करण्यासाठी घेतल्याचे सांगण्यात आले. पण, याबद्दल आता वेगळी माहिती समोर आलीये. (Why Did Sharad Pawar meet ajit pawar in pune)
कोरगाव पार्कमधील उद्योजक अतुल चोरडियांच्या घरी एक बैठक झाली. या भेटीने सगळ्यांच्याच भुवया उंचावल्या गेल्या. शरद पवार आणि अजित पवार यांच्यात चर्चा झाली. या भेटीनंतर अजित पवारांनी बोलणं टाळलं. पण, पवारांनी भूमिका स्पष्ट केली.
अजित पवार-शरद पवार भेट
पुण्यात झालेल्या पवार काका-पुतण्या भेटीचे वेगवेगळे अर्थ लावले जात आहेत. पहिला अर्थ म्हणजे अजित पवारांनी बंड केले, पण त्यांना अजूनही पुरेशा आमदारांचा पाठिंबा मिळाला नसल्याचे दिसते. कारण अजित पवार गटाकडून अजूनही त्यांना किती आमदारांचा पाठिंबा आहे, याबद्दल खात्रीशीर माहिती देण्यात आलेली नाही.
वाचा >> ‘महाराष्ट्र म्हणजे गंमत जंमत नाही’; ठाकरेंचा शरद पवारांना इशारा, स्फोटक भाष्य
दुसरं कारणं म्हणजे अजित पवारांनी बंड केले. सर्वाधिक आमदार आपल्यासोबत असल्याचा दावाही केलाय. अजित पवारांनी राष्ट्रवादी काँग्रेसवर दावाही केलाय. पण, अजित पवारांना राष्ट्रवादीच्या कार्यकर्त्यांचा अपेक्षित पाठिंबा मिळताना दिसत नाहीये. त्यामुळेच शरद पवारांना सोबत घेण्यासाठी त्यांचा प्रयत्न सुरू आहे. आपण शरद पवारांना सोडलेलं नाही, हे सातत्याने दाखवत आहे. त्यांच्या गटाकडून मुद्दामहून शरद पवारांचा फोटो वापरला जात आहे.
हे वाचलं का?
