IPL 2023, CSK vs GT Final: गुजरातला कशी चारली धूळ, चेन्नईच्या विजयाची 5 कारणे
आयपीएलच्या जेतेपदाचा सामना प्रचंड रोमांचक ठरला. श्वास रोखून ठेवायला लावणाऱ्या अंतिम सामन्यामध्ये चेन्नईने गुजरात टायटन्सना (GT) 5 गडी राखून (डकवर्थ लुईस पद्धतीने) धूळ चारली.
ADVERTISEMENT
IPL 2023 CSK vs GT : महेंद्रसिंग धोनीच्या नेतृत्वाखाली चेन्नई सुपर किंग्सने (CSK) इंडियन प्रीमियर लीग (IPL) 2023 च्या जेतेपदावर नाव कोरलं. पावसाचा अडथळा आणि प्रदीर्घ प्रतिक्षेनंतर यंदाच्या हंगामाचा विजेता राखीव दिवशी ठरला. आयपीएलच्या जेतेपदाचा सामना प्रचंड रोमांचक ठरला. श्वास रोखून ठेवायला लावणाऱ्या अंतिम सामन्यामध्ये चेन्नईने गुजरात टायटन्सना (GT) 5 गडी राखून (डकवर्थ लुईस पद्धतीने) धूळ चारली.
आयपीएलचा अंतिम सामना रविवारी (28 मे) होणार होता, परंतु पावसामुळे तो एका दिवसाने पुढे ढकलण्यात आला. म्हणजेच हा विजेतेपदाचा सामना राखीव (29 मे) दिवशी झाला. आयपीएलचं विजेतेपद कोण पटकावणार, हे समजण्यासाठी चाहत्यांना दोन दिवस वाट पाहावी लागली.
गुजरातने केले प्रयत्न पण विजयाने दिली हुलकावणी
राखीव दिवशीही पावसाने पाठ सोडली नाही. गुजरातने 20 षटकांत 214 धावा केल्या. चेन्नईची फलंदाजी सुरू होताच वरूण राजाने हजेरी लावली, त्यामुळे काही काळ खेळ थांबवावा लागला. पावसाने व्यत्यय आणला तरी क्रिकेटप्रेमींचा उत्साह मात्र कायम होता.
पाऊस थांबल्यावर डकवर्थ लुईस नियमानुसार षटकं कमी करून 15 षटकांचा सामना खेळवण्यात आला. त्यामुळे चेन्नईला 171 धावांचे आव्हान मिळाले. या आव्हानाचा पाठलाग करताना धोनी ब्रिगडने शेवटपर्यंत झूंज दिली आणि विजय खेचून आणला.
हे वाचलं का?
