Ajit Pawar: 'जर मी इतका वाईट, घाणेरडा, भ्रष्टाचारी होतो तर त्यांनी...', अजितदादांचा थेट सवाल!

Ajit Pawar Exclusive interview: साहिल जोशी / राजदीप सरदेसाई, बारामती: 'जर मी इतका वाईट, घाणेरडा, भ्रष्टाचारी.. नालायक माणूस होतो तर त्यांनी अटी घालायला पाहिजे होत्या की, हा माणूस सरकारमध्ये असेल तर आम्ही सरकार बनवणार नाही.' असं म्हणत राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांनी त्यांच्यावर आरोप करणाऱ्यांना थेट सवाल विचारला आहे. मुंबई Tak ला दिलेल्या एक्सक्लुझिव्ह मुलाखतील अजित पवार त्यांच्यावर केल्या जाणाऱ्या आरोपांबाबत पहिल्यांदाच आपल्या विरोधकांना थेट सवाल केला आहे. (ajit pawar exclusive interview if i was so bad dirty corrupt why did they take me in the government ajitdada direct question lok sabha election 2024 baramati)

'एमएससी बँकेत 10 हजार कोटीचा घोटाळा झाला असे आरोप झाले. त्याचा रिपोर्ट तयार आहे. त्यात कुठेही भ्रष्टाचार झालेला नाही. असं त्यात निष्पन्न झालेलं आहे अशी माझी माहिती आहे.' असं मोठं विधानही अजित पवार यांनी केलं आहे.

'...तर मला सरकारमध्ये का घेतलं?'

अजित पवार यांच्यावर 70 हजार कोटीच्या घोटाळ्याचे अनेकदा आरोप करण्यात आले आहेत. याचबाबत  जेव्हा त्यांना सवाल विचारण्यात आला तेव्हा त्यांनी याबाबत त्यांचं म्हणणं काय आहे हे स्पष्टपणे सांगितलं.. मात्र, त्याचसोबत त्यांनी त्यांच्यावर आरोप करणाऱ्यांना काही सवालही विचारले.. पाहा अजित पवार नेमकं काय म्हणाले.. 

हे ही वाचा>> Lok Sabha Election : निकाल लागण्याआधीच भाजपचा 'हा' उमेदवार विजयी!

प्रश्न: याच भाजपने आपल्यावर आरोप केले सिंचन घोटाळ्याचे.. देवेंद्र फडणवीस, भाजपने.. चक्की पिसिंगची व्हिडिओ नेहमी दाखवली जाते. 

अजित पवार: आरोप केले हे बरोबर आहे.. त्याची चौकशी झाली.. त्यामध्ये अनियमितता झाली.. ते प्रकरण कोर्टात आहे. एमएससी बँकेत 10 हजार कोटीचा घोटाळा झाला असे आरोप झाले. त्यामध्ये सहकार विभागाने, ACB ने चौकशी केली. सीआयडीने, ईओडब्ल्यूने चौकशी केली. न्यायाधीशांच्या मार्फत चौकशी झाली.