अशोक खरात प्रकरण: 2 मित्र, 2 FIR आणि कंबरेजवळ घेतलेले पाय.. खळबळ उडवून देणारी Inside Story
Ashok Kharat Inside Story: अशोक खरात प्रकरण आणि रुपाली चाकणकर यांचा राजीनामा यामागची 'इन्साईड स्टोरी' जाणून घ्या अत्यंत सविस्तररपणे.
ADVERTISEMENT
नाशिक: रुपाली चाकणकर यांचा राजीनामा झाला असून आता अशोक खरात प्रकरणाबाबत सविस्तर बोलूया.. फक्त या स्टोरीच्या आधी पात्र, रेफरन्सेस आणि घटनाक्रम या तिन्ही गोष्टी लक्षात ठेवा. जेणेकरून तुम्हाला सगळ्याचा हळूहळू उलगडा होईल.
अवघ्या महाराष्ट्राला हादरवून टाकणारी Inside Story
- गोष्ट क्रमांक 1 - दोन मित्र आहेत.. एक मुंबईचा आणि एक पुण्याचा.. यातील एक जण हा अशोक खरातकडे कायम असायचा. म्हणजे तुम्ही पाय धुतानाचा फोटो वैगरे जरी पाहिला तरी त्यातही तो व्यक्ती तुम्हाला मागे बसलेला दिसेल.
दुसरा आणखी एक मित्र आहे तो सुद्धा अशोक खरातच्या संपर्कात असायचा. या दोघांपैकी एका मित्राच्या हाती अशोक खरातचे सगळे व्हिडिओ लागले, काही फोटोही मिळाले. त्याने हे दुसऱ्या मित्राला सांगितलं.
हे दोघं गेले पुण्यातील एका महिला कार्यकर्त्याकडे. जी स्वत:ला सामाजिक कार्यकर्ता वैगरे म्हणते. तुम्ही हा विषय हाती घ्यावा असं इथे ठरलं. ती महिला एवढी भारी निघाली की, ती या बाबालाच गुरु मानणाऱ्या आणखी एका महिलेकडे गेली. तिने सांगितलं की, असं-असं आहे.. हे सांगितल्यावर काय झालं की, गुरु मानणाऱ्या महिलेने हे सगळं खरातला सांगितलं.
यानंतर खरात थेट सिन्नरच्या वावी पोलीस स्टेशनजवळ पोहचला आणि त्याने सगळ्या प्रकरणात ज्या दोघांकडे व्हिडिओ होते त्यांच्याविरोधात खंडणीची तक्रार नोंदवली. 5 कोटींच्या खंडणीची तक्रार त्याने दिली. त्याची पहिली एफआयआर ही आपल्या हाती आहे.
हे वाचलं का?
