एकनाथ शिंदेंचे खास, पण अजितदादांच्या एंट्रीनं होणार गेम, गादी जाणार?
शंभूराज देसाई हे मुख्यमंत्री एकनाथ शिंदेचे खासमखास म्हणून ओळखले जातात. शिंदेंचं मूळ गाव सातारा जिल्ह्यात येतं, तर मतदारसंघ ठाण्यात येतो. या दोन्ही जिल्ह्यांचं पालकमंत्रीपद शिंदेंनी उत्पादन शुल्कमंत्री शंभूराज देसाईंकडे दिलंय.
ADVERTISEMENT
Maharashtra Politics News : अजित पवारांसोबत नऊ जणांनी मंत्रिपदाची शपथ घेतली. पण, अजून खातेवाटप झालं नाही. मुख्यमंत्री एकनाथ शिंदेंसोबतच्या आमदारांचा अजित पवारांना अर्थखातं देण्यास विरोध असल्यामुळेच खातेवाटप रखडल्याचं म्हटलं जातंय. त्याचवेळी अजित पवारांच्या एंट्रीमुळे एकनाथ शिंदेंचे खास असलेले शंभूराज देसाईही अडचणीत आलेत. कोणत्या फॉर्म्युल्यामुळे देसाईंना सत्तेची गादी सोडावी लागेल, आणि याच फॉर्म्युल्याबद्दल देसाई काय म्हणाले?
शंभूराज देसाई हे मुख्यमंत्री एकनाथ शिंदेचे खासमखास म्हणून ओळखले जातात. शिंदेंचं मूळ गाव सातारा जिल्ह्यात येतं, तर मतदारसंघ ठाण्यात येतो. या दोन्ही जिल्ह्यांचं पालकमंत्रीपद शिंदेंनी उत्पादन शुल्कमंत्री शंभूराज देसाईंकडे दिलंय. यावरून देसाई शिंदेंचे किती निकटवर्तीय आहेत, हे अधोरेखित होतं. पण दादांच्या एंट्रीनं याच देसाईंची गादी धोक्यात आल्याचं म्हटलं जातंय.
अजित पवारांच्या समावेशाने काय बदललं?
त्याचं झालं, असं की अजित पवारांनी 2 जुलैला ८ जणांसह मंत्रीपदाची शपथ घेतली. पण 11 दिवस झाले, तरी सर्वजण बिनखात्याचे मंत्री आहेत. त्याचवेळी पालकमंत्रीपदावरूनही दावेप्रतिदावे केले जात आहेत. मंत्रिपदासाठी इच्छूक भरत गोगावलेंनी रायगडचा पालकमंत्री मीच होणार असं म्हणत मंत्री आदिती तटकरेंना विरोध केला. तर दुसरीकडे सातारच्या वाईचे आमदार मकरंद पाटील यांची अजितदादा गटात एंट्री झालीय.
वाचा >> Sharad Pawar : पुनरावृत्ती होणार!, दादांचा पुतण्या पवार कुटुंबाला एकत्र आणणार?
मंत्रिमंडळ विस्तारात पाटलांना कॅबिनेटही दिलं जाणार असल्याची जोरदार चर्चा सुरू आहे. सातारा जिल्ह्यातीलच रामराजे नाईक निंबाळकर यांच्या नावाचीही मंत्रिपदासाठी चर्चा आहे. राष्ट्रवादी काँग्रेसच्या पॉलिटिक्समध्ये साताऱ्याचं वेगळं महत्त्व आहे. त्यामुळे राष्ट्रवादीकडून सातारच्या पालकमंत्रीपदावरही दावा केला जाणार असल्याचं म्हटलं जातंय. याबद्दलच पत्रकारांच्या प्रश्नावर देसाईंनी उत्तरही दिलंय.
हे वाचलं का?
