बीड : माजलगावात दोन सख्ख्या बहिणींना जबरदस्तीने कारमधून नेण्याचा प्रयत्न, पण मुलींचा आवाज आला अन्...
Beed Crime News : फिर्यादी भाग्यश्री ज्ञानोबा हजारे (वय 24, रा. अंबाजोगाई) ही डी. फार्मसीची विद्यार्थिनी आपल्या बहिणीसह उपचारासाठी माजलगाव येथे आली होती. दुपारी 12:30 च्या सुमारास त्या हॉस्पिटलबाहेर उभ्या असताना, एका पांढऱ्या रंगाच्या चारचाकीतून आलेल्या तिघांनी दोघींनाही बळजबरीने गाडीत ओढले आणि दरवाजे लॉक केले. आरोपींनी गाडी धारूर रोडच्या दिशेने वेगाने पळवण्यास सुरुवात केली.
ADVERTISEMENT
बातम्या हायलाइट
बीड : माजलगावात दोन सख्ख्या बहिणींना जबरदस्तीने कारमधून नेण्याचा प्रयत्न,
पण मुलींचा आवाज आला अन्... नागरिकांनी गाडी रोखून वाचवलं
Beed Crime News, रोहिदास हातागळे/बीड : माजलगाव शहरातील संजीवनी हॉस्पिटलसमोरून दोन सख्ख्या बहिणींचे बळजबरीने अपहरण करण्याचा प्रयत्न केल्याची धक्कादायक घटना मंगळवारी दुपारी घडली. पीडित मुलींच्या ओरडण्यामुळे आंबेडकर चौकातील सतर्क नागरिकांनी धावत्या गाडीला अडवून दोन्ही मुलींची सुटका केली. याप्रकरणी माजलगाव शहर पोलिसांनी तत्परता दाखवत तीन तरुणांविरुद्ध अपहरणाचा गुन्हा दाखल केला आहे.
फिर्यादी भाग्यश्री ज्ञानोबा हजारे (वय 24, रा. अंबाजोगाई) ही डी. फार्मसीची विद्यार्थिनी आपल्या बहिणीसह उपचारासाठी माजलगाव येथे आली होती. दुपारी 12:30 च्या सुमारास त्या हॉस्पिटलबाहेर उभ्या असताना, एका पांढऱ्या रंगाच्या चारचाकीतून आलेल्या तिघांनी दोघींनाही बळजबरीने गाडीत ओढले आणि दरवाजे लॉक केले. आरोपींनी गाडी धारूर रोडच्या दिशेने वेगाने पळवण्यास सुरुवात केली.
हेही वाचा : पुणे : पोलिसांनी स्पा सेंटरवर धाड टाकली, पण तरुणीने पळ काढताना इमारतीच्या खिडकीतून उडी मारली अन् जीव गेला
गाडी मुख्य रस्त्यावर असताना पीडित मुलीने मोठ्याने आरडाओरड केली. हा आवाज ऐकताच आंबेडकर चौकातील नागरिकांनी प्रसंगावधान राखून गाडी समोरून अडवली. दरम्यान, मुलींचा मावसभाऊ सुरज भद्रे यानेही स्कूटीवरून गाडीचा पाठलाग करून चौक गाठला होता. संतप्त जमावाने गाडीतील तिन्ही तरुणांना पकडून चोप दिला आणि त्यांना पोलिसांच्या स्वाधीन केले.
हे वाचलं का?
