Maharashtra SSC Result 2024: बेस्ट ऑफ लक! दहावीचा निकाल जाहीर, अशी मिळवा मार्कशीट

रोहिणी ठोंबरे

27 May 2024 (अपडेटेड: 27 May 2024, 11:57 AM)

▌

बातम्या हायलाइट

विद्यार्थ्यांना कशी मिळवता येणार मार्कशीट?

विभागनिहाय निकालाची टक्केवारी

महाराष्ट्र SSC निकाल 2024 : Maharashtra SSC Result 2024 Declare : शालेय जीवनाचा टप्पा ओलांडून महाविद्यालयीन जीवनात पाऊल टाकण्याचा महत्त्वाचा टप्पा म्हणजे दहावीचा निकाल.... 12 वीचा निकाल लागल्यानंतर 10 वीच्या निकालाची प्रतीक्षा आता संपली आहे. कारण दहावीचा निकाल आज (27 मे 2024) जाहीर करण्यात आला आहे. महाराष्ट्र राज्य माध्यमिक आणि उच्च माध्यमिक मंडळाने सकाळी 11 वाजता पत्रकार परिषद घेऊन याबाबत माहिती दिली. (maharashtra ssc result 2024 10th result declared to get marksheet students should follow this steps)

दहावीच्या विद्यार्थ्यांनी मोठा धमाका केला आहे. राज्याचा दहावीचा 95.81 टक्के लागला. कोकण विभागाने 99.01 टक्क्यांसह नेहमीप्रमाणे पहिली बाजी मारली आहे. तर नागपूर विभागाचा निकाल 94.73 टक्क्यांसह सर्वात कमी लागला आहे. निकालाबाबत मुलांसह पालकांना उत्सुकता लागलेली आहे. तर काहींची धाकधूक वाढली आहे.

हेही वाचा : Maharashtra SSC Result 2024 : मुलींचाच डंका! निकालात मुले किती टक्क्यांनी मागे?

अधिकृत माहितीनुसार, दुपारी 1 वाजता दहावीचा निकाल विद्यार्थ्यांना ऑनलाईन वेबसाइटवरून तर ऑफलाइन SMS द्वारे पाहता येईल. महाराष्ट्रात नागपूर, पुणे, मुंबई, छत्रपती संभाजीनगर, कोल्हापूर, अमरावती, नाशिक, लातूर आणि कोकण या विभागातील एकूण 15,60,154 विद्यार्थ्यांनी दहावीचा परीक्षा दिली आहे.