RSS : मोदी सरकारचा मोठा निर्णय! 58 वर्षांपूर्वी घातलेली बंदी उठवली
RSS News : केंद्र सरकारने राष्ट्रीय स्वयंसेवक संघाशी संबंधित एक मोठा निर्णय घेतला आहे. 58 वर्षांपूर्वी केंद्र सरकारने घातलेली बंदी मोदी सरकारने हटवली आहे.
ADVERTISEMENT
बातम्या हायलाइट
५८ वर्षांपूर्वीचा निर्णय एनडीए सरकारने बदलला
राष्ट्रीय स्वयंसेवक संघाने निर्णयाचे स्वागत केले
बंदी उठवण्याच्या निर्णयाला काँग्रेसचा विरोध
RSS News : शासकीय सेवेत असलेल्या कर्मचाऱ्यांना आता राष्ट्रीय स्वयंसेवक संघाच्या कार्यक्रमांमध्ये सहभागी होता येणार आहे. 58 वर्षांपूर्वी सरकारी कर्मचाऱ्यांना बंदी घालण्यात आली होती. ती केंद्र सरकारने उठवली आहे. या निर्णयाचे राष्ट्रीय स्वयंसेवक संघाने स्वागत केले आहे, तर काँग्रेसने टीका केली आहे. (Modi government lift the ban on central government employees participating in the activities of the Rashtriya swayamsevak Sangh)
देशभरातील शासकीय कर्मचाऱ्यांना आरएसएसच्या वेगवेगळ्या कार्यक्रमांत सहभागी होण्यावर बंदी घालण्यात आली होती. ती आता हटवण्यात आली आहे.
सरकारी आदेशात काय?
केंद्र सरकारने यासंदर्भात आदेश जारी केले आहेत. यात म्हटले आहे की, निर्णयाची समीक्षा करण्यात आली आणि असा निर्णय घेण्यात आला आहे की, ३० नोव्हेंब १९६६, २५ जुलै १९७० आणि २८ ऑक्टोबर १९८० शी संबंधित कार्यालयीन निर्णयातून राष्ट्रीय स्वयंसेवक संघाचा उल्लेख हटवण्यात यावा."
एनडीए सरकारच्या निर्णयाचे आरएसएसकडून स्वागत
केंद्र सरकारने घेतलेल्या या निर्णयाचे राष्ट्रीय स्वयंसेवक संघाने स्वागत केले आहे. आपल्या राजकीय स्वार्थासाठी तत्कालीन सरकारकडून शासकीय कर्मचाऱ्यांना संघासारख्या रचनात्मक संघटनाच्या कार्यक्रमांमध्ये भाग घेण्यास बंदी घालण्यात आली. सरकारचा आजचा निर्णय भारतातील लोकशाही व्यवस्थेवर शिक्कामोर्तब करणारा आहे, असे आरएसएसचे प्रचार प्रमुख सुनील आंबेकर यांनी म्हटले आहे.
हे वाचलं का?
