Reel स्टार रोहिणी पाराध्ये जाताच नवऱ्याच्या आयुष्यात नवं वादळ, काय आहे 'ते' प्रकरण?
Reel Star Rohini Paradhye Case: रिलस्टार रोहिणी पाराध्ये हिच्या आत्महत्येनंतर पती निलेशच्या मनावर आघात झालाय. दरम्यान, रोहिणीच्या जाण्यानंतर निलेश पाराध्येच्या आयुष्यात मात्र नवं वादळ आलं आहे. जाणून घेऊया याचविषयी सविस्तर.
ADVERTISEMENT
सोलापूर: सोलापूर जिल्ह्यातील मंगळवेढा येथील रील स्टार रोहिणी पाराध्येच्या आत्महत्येच्या घटनेने संपूर्ण महाराष्ट्र हळहळला आहे. सोशल मीडियावर आपल्या रील्समधून लाखो लोकांचे मनोरंजन करणारी, कायम हसतमुख दिसणारी रोहिणी अचानक जगाचा निरोप घेऊन गेली आणि तिच्या कुटुंबासह चाहत्यांनाही मोठा धक्का बसला. मात्र, या सगळ्यात मोठा धक्का बसलाय तो तिचा पती निलेश पाराध्ये याला. पत्नीच्या निधनानंतर त्याने सोशल मीडियावर लिहिलेली भावनिक पोस्ट सध्या अनेकांच्या डोळ्यांत पाणी आणत आहे.
"तू माझं आयुष्य उभं केलंस"
रोहिणीच्या जाण्यानंतर निलेश पराध्येने आपल्या भावना शब्दांत मांडण्याचा प्रयत्न केला आहे. "माझी बायको, माझ्या चिमणे, मला सोडून जायचं नव्हतं ग," अशा शब्दांनी सुरू होणाऱ्या पोस्टमध्ये त्याने पत्नीबद्दलच्या आठवणींना उजाळा दिला आहे.
निलेशच्या म्हणण्यानुसार, गेल्या पाच वर्षांच्या संसारात रोहिणीने त्याला केवळ साथच दिली नाही, तर त्याचं संपूर्ण आयुष्य उभं करण्यासाठी खांद्याला खांदा लावून संघर्ष केला. प्रत्येक अडचणीत ती त्याच्या पाठीशी खंबीरपणे उभी राहिली. जीवनातील संकटांच्या काळात तिनेच त्याला आधार दिला आणि प्रत्येक वादळातून बाहेर काढलं.
पोस्टमध्ये तो म्हणतो की, "जेव्हा सगळे दूर व्हायचे, तेव्हा ती माझा हात घट्ट धरून उभी राहायची. आज चांगले दिवस यायला लागले होते, आपल्या स्वप्नांना आकार मिळत होता. पण त्याच वेळी तू मला एकटं करून निघून गेलीस."
