Adani Group : मॉरिशस फंडातून गुंतवणूक, गुपचूप शेअर्स खरेदी, अदाणी प्रकरण घ्या समजून
OCCRP allegations on Adani , Mauritius fund, purchase of shares secretly : अदाणी समूहावर नव्याने आरोप करण्यात आले आहेत. ऑर्गनाइज्ड क्राइम अँड करप्शन रिपोर्टिंग प्रोजेक्ट्स (OCCRP) ने हे आरोप केले आहेत.
ADVERTISEMENT
OCCRP Report on Adani Group : ऑर्गनाइज्ड क्राइम अँड करप्शन रिपोर्टिंग प्रोजेक्ट्स (OCCRP) ने अब्जाधीश गौतम अदाणी आणि त्यांच्या पोर्ट-टू-एनर्जी ग्रुपच्या विरोधात एक अहवाल प्रकाशित केला आहे. OCCRP ने आपल्या अहवालात म्हटले आहे की ‘अपारदर्शक’ मॉरिशस फंडाच्या माध्यमातून समूहाच्या सार्वजनिक असलेल्या काही शेअर्समध्ये लाखो डॉलर्सची गुंतवणूक करण्यात आली होती.
अदाणी समूहात गुप्तपणे मोठ्या प्रमाणात गुंतवणूक करणाऱ्या दोन व्यक्तींचाही या अहवालात उल्लेख आहे. दोघेही अदाणी कुटुंबाशी संबंधित असल्याचे बोलले जात आहे. हा अहवाल समोर आल्यानंतर अदाणी समूहाच्या कंपन्यांच्या शेअर्समध्ये मोठी घसरण झाली आहे. पण OCCRP अहवालाचे सार काय आहे… ते 10 मुद्द्यांमध्ये समजून घेऊ.
1) गुपचूप शेअर्स खरेदी करणे
OCCRP ने आपल्या अहवालात म्हटले आहे की, अदाणी समूहाने गुपचूप स्वतःचे शेअर्स खरेदी करून लाखो डॉलर्सची गुंतवणूक केली आहे. अहवालात म्हटले आहे की भारतीय शेअर बाजार नियामक किंवा कोणतीही उच्च-स्तरीय तज्ज्ञ समिती हे सिद्ध करू शकली नाही की, सार्वजनिकरित्या सूचीबद्ध अदाणी समूहाच्या स्टॉकचे काही परदेशी मालक प्रत्यक्षात त्यांच्या बहुसंख्य मालकांसाठी केवळ फ्रंटमॅन आहेत.
2) मॉरिशस फंडातून गुंतवणूक
OCCRP ने द गार्डियन आणि फायनान्शिअल टाईम्ससोबत मिळवलेली कागदपत्रे शेअर केली आहेत. दस्तऐवजांमध्ये अनेक टॅक्स हेवन्स, बँक रेकॉर्ड आणि अदाणी ग्रुपच्या अनेक अंतर्गत फाइल्सचा समावेश आहे. यात अदाणी ग्रुपवर स्टॉक मॅनिप्युलेशनचा आरोप आहे. या दस्तऐवजाची पुष्टी अनेक देशांतील अदाणी समूहाच्या व्यवसायाशी आणि सार्वजनिक नोंदींशी संबंधित असलेल्या लोकांकडून करण्यात आली आहे. मॉरिशसमधील ‘अपारदर्शक’ गुंतवणूक निधीद्वारे सार्वजनिकरित्या व्यापार करणाऱ्या अदाणी समूहाच्या स्टॉकमध्ये लाखो डॉलर्स कसे गुंतवले गेले हे कागदपत्रात दिसत आहे.
हे वाचलं का?
