भीम आर्मीचे प्रमुख चंद्रशेखर आझादवर जीवघेणा हल्ला, गोळीबारात गंभीर जखमी

भीम आर्मीचे प्रमुख चंद्रशेखर आझाद यांच्यावर जीवघेणा हल्ला झाल्याची घटना घडली आहे. सहारनपूरच्या देवबंद येथे चंद्रशेखर आझाद यांच्या वाहनांच्या ताफ्यावर अज्ञातांनी अंदाधुंद गोळीबार केला आहे. या अंदाधुंद गोळीबारात सुदैवाने चंद्रशेखर आझाद बचावले आहेत. मात्र या गोळीबारात एक गोळी त्यांच्या शरीराला चाटून गेली आहे, त्यामुळे ते गंभीर जखमी झाले आहेत. त्यामुळे चंद्रशेखर आझाद यांना उपचारासाठी रूग्णालयात दाखल करण्यात आले आहे. आझाद यांच्या गाडीच्या सीटवर आणि कारवर झाडलेल्या गोळ्या पाहता या गोळीबाराची भीषणता लक्षात येईल.या घटनेची माहिती मिळताच पोलिसांनी तत्काळ घटनास्थळ गाठुन तपास सुरु केला आहे.(bhim army cheif chandrashekhar azad firing on deoband saharanpur)