मुंबईत ऑनर किलिंग : आधी जावयाची सपासप वार करत हत्या, नंतर मुलीला ठेचून मारलं!
मुंबईत ऑनर किलिंगचे प्रकरण समोर आले आहे. गोवंडी परिसरात वडील, भाऊ आणि तीन अल्पवयीन मुलांनी मिळून मुलीची आणि तिच्या पतीची हत्या केली. मुलीने दुसऱ्या धर्मातील मुलासोबत प्रेमविवाह केला होता, त्यामुळे घरातील लोक संतापले आणि रागाच्या भरात त्यांनी दोघांची हत्या केली.
ADVERTISEMENT
Mumbai Honor Killing : मुंबईत ऑनर किलिंगचे प्रकरण समोर आले आहे. गोवंडी परिसरात वडील, भाऊ आणि तीन अल्पवयीन मुलांनी मिळून मुलीची आणि तिच्या पतीची हत्या केली. मुलीने दुसऱ्या धर्मातील मुलासोबत प्रेमविवाह केला होता, त्यामुळे घरातील लोक संतापले आणि रागाच्या भरात त्यांनी दोघांची हत्या केली. (Honor killing in Mumbai Govandi couple killed by Girls Father Brother and Minors)
14 ऑक्टोबर रोजी मुंबईतील गोवंडी पोलीस स्टेशन परिसरात तरुणाचा मृतदेह आढळून आला होता. येथील देवनार गावातील टेलिकॉम फॅक्टरी परिसरात असलेल्या एका विहरीत काही मुलं पोहण्यासाठी गेली असता त्यांना मृतदेह आढळला. तो 20 ते 22 वर्षांचा होता आणि त्याची हत्या करण्यात आली होती.
किडनी निकामी, त्यातच डोक्यावर कर्ज, पती-पत्नी मुलाची सामूहिक आत्महत्या
त्याच्यावर अनेक वार करण्यात आले होते. मुंबई पोलिसांचे झोन VI चे डीसीपी हेमराज राजपूत यांनी या प्रकरणाचा छडा लावण्यासाठी 10 टीम तयार केल्या आहेत.
हत्या करण्यात आलेला तरूण मूळचा कुठला रहिवासी होता?
करण रमेश चंद्र (22) असे मृताचे नाव असून तो उत्तर प्रदेशचा रहिवासी असल्याचे पोलीस पथकांना आढळून आले. याप्रकरणी गोवंडी पोलीस ठाण्यात भादंवि कलम 302, 201 अन्वये गुन्हा दाखल करण्यात आला. वर्षभरापूर्वी करणने गुलनाज खान (20) या तरूणीसोबत प्रेमविवाह केला होता. या प्रकरणाचा तपास करणाऱ्या पोलिसांना मृत करणच्या पत्नीच्या वडिलांवर संशय आला, त्यानंतर तिचे वडील गोरा रईसुद्दीन खान (50) याची चौकशी करण्यात आली.
हे वाचलं का?
