सना खान हत्या प्रकरणात नवा ट्विस्ट! पतीबरोबर आणखी एकाचा सहभाग, कोण आहे तो?

आरोपी अमित उर्फ पप्पू साहू याने पोलिसांना सांगितले की, सना खानची रॉडने वार करून हत्या केली. यानंतर मृतदेह जबलपूरपासून 45 किमी अंतरावर असलेल्या हिरण नदीच्या पुलावरून फेकून दिला. अमितचा जबाब नोंदवल्यानंतर पोलीस आरोपीसह घटनास्थळी पोहोचले आणि मृतदेहाचा शोध घेण्यास सुरुवात केली.

सना खान आणि अमित हे पती-पत्नी असल्याचे पोलिसांचे म्हणणे आहे. या दोघांमध्ये अनेक दिवसांपासून पैशांवरून वाद सुरू होता. सना खान अमितला भेटण्यासाठी नागपूरहून जबलपूरला गेली होती. बोलत असताना दोघांमध्ये वाद झाला आणि अमितने सनाच्या डोक्यात काठीने वार केले, त्यामुळे सनाचा मृत्यू झाला. या संपूर्ण प्रकरणात आणखी एकाचा सहभाग असल्याचे पोलिसांचे म्हणणे आहे.

वाचा >> पुण्यातील भाजपच्या नाराजी नाट्यावर नितीन गडकरींनी काढला मार्ग, काय घडलं?

सना खान 2 ऑगस्टला नागपूरहून जबलपूरला पोहोचली. यानंतर ती बेपत्ता झाली. हत्येचा संशय आल्याने सनाच्या नातेवाईकांनी पोलिसांत तक्रार केली. जबलपूरचे अतिरिक्त एसपी कमल मौर्य यांनी सांगितले की, तक्रार मिळाल्यानंतर जबलपूर आणि नागपूर पोलिसांनी मिळून सनाचा शोध सुरू केला. पोलिसांनी मोबाईल लोकेशनच्या आधारे सनाचा पती अमित याचा शोध घेतला आणि पकडले.