OYO हॉटेलच्या रूम नंबर 9 मधून भलतंच दृश्य, तो तरूण अन् ती महिला.. नेमकं काय घडलं?
जबलपूरच्या धन्वंतरी नगरमधील OYO हॉटेलच्या खोलीत एका महिलेचा मृतदेह संशयास्पद परिस्थितीत आढळल्याने खळबळ उडाली आहे. ही महिला 6 मे रोजी एका तरुणासोबत इथे आलेली, परंतु तिचा मृतदेह सापडला तेव्हा तो तरुण तिथे नव्हता.
ADVERTISEMENT
जबलपूर: जबलपूर जिल्ह्यातील धन्वंतरी नगर चौकातील OYO हॉटेल रिलॅक्स इनच्या खोली क्रमांक 9 मध्ये एका महिलेचा मृतदेह संशयास्पद परिस्थितीत आढळल्याने खळबळ उडाली आहे. माहिती मिळताच, पोलीस, एफएसएल पथक आणि फिंगरप्रिंट तज्ञ घटनास्थळी दाखल झाले आणि त्यांनी तपास सुरू केला. प्राथमिक तपासात असे समोर आले आहे की, ही महिला 6 मेच्या रात्री एका तरुणासोबत इथे आली होती, परंतु घटनेच्या वेळी तो तरुण तिथे नव्हता. पोलीस आता संपूर्ण प्रकरण संशयास्पद मानत असून प्रत्येक पैलूचा तपास करत आहेत.
ते दोघे पुरुष पती-पत्नी असल्याचे भासवून थांबलेले हॉटेलमध्ये
हॉटेल व्यवस्थापक पंकज झरिया यांनी सांगितले की, 6 मे रोजी रात्री 8.44 वाजता एक तरुण आणि एक महिला हॉटेलमध्ये आले. हॉटेलच्या नोंदीनुसार, त्या जोडप्याने स्वतःची ओळख पती-पत्नी म्हणून सांगितली. त्या तरुणाची ओळख दमोह जिल्ह्यातील भाउडालखेडी येथील रहिवासी भुल्लू बन्सल यांचा मुलगा मुथू बन्सल अशी पटली. त्यांनी दोन दिवसांसाठी एक खोली आरक्षित केली होती. प्रवेशावेळी फक्त तरुणाचे ओळखपत्र सादर करण्यात आले, तर महिलेचे ओळखपत्र सादर केले गेले नाही. तरुणाने मुथू बन्सल यांच्या नावाचा वाहनचालक परवाना सादर केला, ज्याच्या आधारे हॉटेल कर्मचाऱ्यांनी त्यांना खोली दिली.
हे ही वाचा>> पत्नी- दोन मुलींची हत्या, घरातील 9 फूट खोल खड्ड्यात मृतदेह पुरला, 'त्या' कारणातून नवऱ्याचा राग अनावर
व्यवस्थापक पंकज झरिया यांच्या म्हणण्यानुसार, ते जोडपे जेवण आणण्यासाठी बाहेर गेले आणि नंतर परत आले. दुसऱ्या दिवशी, चेकआऊटच्या वेळी, जेव्हा ते खोली क्रमांक 9 मधून चेकआऊट करण्यासाठी गेले, तेव्हा त्यांना दरवाजा आतून बंद आढळला. त्यांनी हाक मारली आणि अनेक वेळा दार ठोठावले, परंतु कोणताही प्रतिसाद मिळाला नाही. मग त्यांनी दरवाजाला हलकासा धक्का दिला आणि तो उघडला. खोलीत शांतता होती. व्यवस्थापकांनी सांगितले की, त्यांना ही परिस्थिती संशयास्पद वाटली, म्हणून त्यांनी ताबडतोब दरवाजा बंद केला आणि ते निघून गेले. हॉटेल व्यवस्थापनाने नंतर पोलिसांना माहिती दिली.
त्या महिलेच्या हातावर टॅटू
माहिती मिळताच, पोलीस घटनास्थळी दाखल झाले आणि त्यांनी खोलीची तपासणी सुरू केली. तेव्हा महिला खोलीत मृतावस्थेत आढळली, तर तिच्यासोबत राहणारा तरुण बेपत्ता होता. तिच्या हातावर 'सोनू नरबाद' असे गोंदण होते. खोलीत दारूची एक बाटलीही सापडली. पोलिसांनी ती जप्त केली आणि बोटांच्या ठशांच्या तपासणीसाठी पाठवली. प्रकरणाचे गांभीर्य लक्षात घेता, एफएसएल (FSL) पथक आणि बोटांच्या ठशांचे तज्ञ यांनाही घटनास्थळी बोलावण्यात आले. पोलिसांनी हॉटेल ऑपरेटर यश जैन आणि व्यवस्थापक पंकज झरिया यांनाही ताब्यात घेतले आणि त्यांची चौकशी सुरू केली.
